ແຈກສູດ! ຊໍາຫົວສີໃຄ ມື້ດຽວນໍາໄປປູກໄດ້ເລີຍ - Laoedaily

ແຈກສູດ! ຊໍາຫົວສີໃຄ ມື້ດຽວນໍາໄປປູກໄດ້ເລີຍ

ການປູກຫົວສີໃຄ ຈະບໍ່ເປັນເລື່ອງຍາກ ຫຼື ໃຊ້ເວລາດົນອີກຕໍ່ໄປ ເພາະມື້ນີ້ແອັດໄດ້ນໍາເອົາເຄັດລັບດີໆກ່ຽວກັບການຊໍາຫົວສີໃຄກ່ອນປູກ ໂດຍໃຊ້ເວລາພຽງມື້ດຽວກໍ່ສາມາດນໍາໄປລົງດິນໄດ້ແລ້ວ, ເຊິ່ງມື້ນີ້ຜູ້ຂຽນກໍ່ບໍ່ພາດທີ່ຈະນໍາເອົາຂັ້ນຕອນລາຍລະອຽດວິທີດັ່ງກ່າວມາໃຫ້ທຸກທ່ານໄດ້ທົດລອງນໍາໄປໃຊ້ນໍາກັນ.


ການກະກຽມອຸປະກອນ: ເຄື່ອງດື່ມຊູກໍາລັງ(ເອັມຮ້ອຍຫ້າສິບ), ແປ້ງນົວ, ກະປິ, ນໍ້າ, ຖັງ ຫຼື ຄຸ ແລະ ຫົວສີໃຄທີ່ຈະປູກ


ວິທີເຮັດ: ນໍານໍ້າທີ່ກຽມໄວ້ເທໃສ່ຖັງ ຫຼື ຄຸເລັກນ້ອຍ ພ້ອມຕັກກະປິໃສ່ປະມານເຄິ່ງບ່ວງແກງ, ຄົນໃສ່ນໍ້າໃຫ້ລະລາຍ ແລ້ວນໍາແປ້ງນົວມາເທໃສ່, ຫຼັງຈາກນັ້ນ ນໍາເອັບຮ້ອຍຫ້າສິບທີ່ກຽມໄວ້ ຜອງໃສ່ 1ຝາ ແລ້ວຄົນສ່ວນປະສົມທັງໝົດໃຫ້ເຂົ້າກັນຢ່າງດີ ແລ້ວນໍາຫົວສີໃຄທີ່ກຽມໄວ້ປູກມາແຊ່ໃນນໍ້າດັ່ງກ່າວ.

ເທແປ້ງນົວໃສ່

ປະສົມເອັມຮ້ອຍຫ້າສິບໃສ່

ຫຼັງຈາກນັ້ນ ຖິ້ມໄວ້ປະມານ 1ຄືນ, ເມື່ອຂຶ້ນມື້ໃໝ່ມາໃຫ້ປ່ຽນນໍ້າແຊ່ເປັນນໍ້າລ້າໆແຊ່ອີກ 1ຄືນ ຮາກຫົວສີໃຄກໍ່ຈະເລີ່ມງອກ ແລະ ສາມາດນໍາໄປປູກໄດ້ເລີຍ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ