ມື້ນີ້ເອົາໃຈໄວໜຸ່ມກັບເຄື່ອງທີ່ມີສ່ວນປະສົມຂອງເຂົ້າໜົມ ແລະ ກະແລັມ ສາມາດເຮັດໄດ້ເອງໂດຍບໍ່ຕ້ອງໄປຊື້ ແຖມຍັງສາມາດເລືອກສ່ວນປະສົມເພີ່ມຕື່ມໄດ້ຕາມໃຈອີກດ້ວຍຈາກສູດງ່າຍໆ.
ສ່ວນປະສົມ:
1 ກະແລັມວານິລາ ຫຼື ຊ໋ອກໂກແລັດຊິມ 4 ບ່ວງຕັກກະແລັມ.
2 ເຂົ້າໜົມຄຸກກີ້ໂອລິໂອ 6 ກ້ອນ.
3 ນ້ຳເຜິ້ງ 1 ບ່ວງກາເຟ ຫຼື ບໍ່ໃສ່ກໍໄດ້.
4 ໝາກກ້ວຍ 1 ໜ່ວຍ.
5 ນົມສົດ 1 ຈອກ.
6 ວິບປິງຄຣີມສຳລັບແຕ່ງໜ້າ ຫຼື ບໍ່ໃສ່ກໍໄດ້.
7 ເຂົ້າໜົມໂອລິໂອ 2 ກ້ອນ ( ທຸບມຸ່ນໆໂຮຍໜ້າ ).
8 ໂອລິໂອ 2 ກ້ອນ ( ສໍາລັບວາງແຕ່ງໜ້າ ).
ວິທີປັ່ນ:
ປອກໝາກກ້ວຍໃສ່ໂຖປັ່ນພ້ອມໃສ່ນ້ຳເຜິ້ງ, ກະແລັມ, ນົມສົດ ແລະ ໂອລິໂອ ແລ້ວປັ່ນໃຫ້ທຸກຢ່າງເຂົ້າເປັນເນື້ອດຽວກັນ. ຈາກນັ້ນ, ຖອກໃສ່ຈອກບີບວິບປິ້ງຄຣີມໃສ່ໂຮຍໜ້າດ້ວຍໂອລິໂອທຸບມຸ່ນ ແລະ ແຕ່ງໜ້າດ້ວຍໂອລິໂອເປັນກ້ອນຕື່ມເປັນອັນວ່າສຳເລັດພ້ອມເສີບ.
ຂໍ້ມູນຈາກ: Sister.com; ຮຽບຮຽງ: ນຸ້ມນິ້ມ
