ແອັດມິນມາທັກທາຍທ່ານຜູ້ອ່ານ ມື້ນີ້ຈະພາມາທ່ຽວທີ່ປະເທດເພື່ອນບ້ານທີ່ລາວເຮົາໄປມາຫາສູ່ກັນງ່າຍ ແລະ ສະດວກ ເພາະພາສາການປາກເວົ້າສາມາດເຂົ້າໃຈກັນໄດ້ດີບໍ່ຈຳເປັນຕ້ອງໃຊ້ລ່າມ.
ໄທເປັນປະເທດທີ່ມີແຫຼ່ງທ່ອງທ່ຽວຫຼາກຫຼາຍສະຖານທີ່ໃນແຕ່ລະຈັງຫວັດ ທີ່ແຕກຕ່າງກັນ ແລະນັກທ່ອງທ່ຽວກໍນິຍົມກັນໄປທ່ຽວ, ພັກຜ່ອນທີ່ນັ້ນ.
ໂດຍສະເພາະຢູ່ໃນນະຄອນຫຼວງຂອງປະເທດໄທ ນັ້ນກໍຄືກຸງເທບມະຫານະຄອນ ໃຜມາທີ່ນີ້ຕ້ອງໄດ້ໄປໄຫວ້ຂໍພອນສິ່ງສັກສິດ, ທ່ຽວຊົມວັດພະແກ້ວ ຫຼື ວັດພະສີລັດຕະນະສະດາລາມ.
ວັດພະແກ້ວ ເປັນວັດທີ່ພະບາດສົມເດັດ ພະພຸດທະຍອດຟ້າໂລກມະຫາລາດສ້າງຂຶ້ນ ພ້ອມກັບການສະຖາປານາກຸງລັດຕະນະໂກສິນ ພ.ສ 2325 ເປັນວັດໃນພະບົມມະຫາລາດຊະວັງ.
ພາຍໃນວັດພະແກ້ວມີອາຄານທີ່ສໍາຄັນຢູ່ຢ່າງຫຼວງຫຼາຍ ທີ່ສວຍງາມ ແລະ ມີເອກກະລັກໃຫ້ເຮົາໄດ້ສໍາຜັດ, ຖ່າຍພາບງາມໆເກັບໄວ້ເກັບໄວ້ໃນບັນທຶກຄວາມຊົງຈຳ.
ຢູ່ພາຍໃນ ຫໍພະລາດຊະພົງສານຸສອນ ແລະ ຫໍພະລາດຊະກຸມມານນຸສອນ ມີພະແກ້ວ ຫຼື ພະສີລັດຕະນະສະດາລາມ ໄວ້ໃຫ້ກາບໄຫວ້, ພ້ອມລວດລາຍການແຕ້ມ, ປະດິດສິ່ງຕ່າງໆອັນປານີດສວຍງາມໃຫ້ເຮົາໄດ້ເຫັນ.
ວັດພະແກ້ວຕັ້ງຢູ່ ບໍລິເວນສະໜາມຫຼວງ ຖະໜົນໜ້າພະລານ ແຂວງພະບົມມະຫາລາດຊະວັງ ເຂດພະນະຄອນ ເສັ້ນທາງໄປກໍບໍ່ຍາກຈະໄປດ້ວຍຕຸກໆ, ລົດເມ, ລົດທົວກໍໄດ້.
ເປີດໃຫ້ເຂົ້າຊົມໄດ້ທຸກມື້ຕັ້ງແຕ່ເວລາ 8:30-15:30 ໂມງ ຄົນໄທເຂົ້າທ່ຽວຊົມຟຣີ ນັກທ່ອງທ່ຽວ 500 ບາດ ແລະ ກ່ອນທີ່ຈະເຂົ້າໄປທ່ຽວຊົມພາຍໃນວັດພະແກ້ວ ເພິ່ນກໍໃຫ້ນຸ່ງຖືສຸພາບ ບໍ່ໃຫ້ນຸ່ງສັ້ນ ຫຼື ບໍ່ໃຫ້ນຸ່ງເສື້ອແຂນກິ້ນເດີ້.
Cr: ເມລີ ດວງປີຊາວົງ
