ງານມະຫະກໍາກີລາ ຊີເກມ ຄັ້ງທີ 30 ເປີດສາກທາງການໃນວັນທີ 30 ພະຈິກ 2019 ທີ່ສະໜາມຟິລິບປິນ ອາຣີນາ ສາມາບັນຈຸໄດ້ 50.000 ທີ່ນັ່ງ ແລະ ຈະແຂ່ງຂັນໄປຈົນເຖິງວັນທີຮ 11 ທັນວາ 2019 ຈິ່ງປິດສາກລົງ.
ສໍາລັບ ພິທີເປີດໄດ້ຮັບກຽດຈາກ ໂຣດຣິໂກ ດູເຕີເຕ ປະທານນາທິບໍດີຂອງ ຟິລິບປິນ ມາຮ່ວມຊົມ, ຫຼັງຈາກນັ້ນກໍມີການສະແດງລາຍການຕ່າງ ກ່ອນຈະມີການສວນສະໜາມຂອງນັກກີລາແຕ່ລະຊາດທັງ 11 ຊາດທີ່ເຂົ້າຮ່ວມການແຂ່ງຂັນ
ຂະນະທີ່ ໄຮໄລທ໌ສໍາຄັນທີ່ການຈູດທວນໄຟ ກໍໄດ້ຮັບກຽດຈາກ ແມນນີ ປາກຽວ ນັກມວຍແຊັມໂລກຊາວຟິລິບປິນ ແລະ ເນສະທີ ດາເທຊິໂອ ນັກມວຍຍິງ ເປັນຜູ້ຮັກບໜ້າທີ່ຈູດໄຟເປີດການແຂ່ງຂັນຢ່າງເປັນທາງການ.
ສໍາລັບ ຟິລິບປິນ ກໍານົດໃຫ້ຊີງໄຊ 529 ລາຍການ ຈາກ 56 ປະເພດກີລາ ໃນງານມະຫະກໍາກີລາຊີເກມ ຄັ້ງທີ 30 ລະຫວ່າງວັນທີ 30 ພະຈິກ – 11 ທັນວາ 2019, ສປປ ລາວ ສົ່ງຄະນະນຳ, ກຳມະການຕັດສິນ, ຄູຝຶກ ແລະ ທັບນັກກີລາ ຈຳນວນ 370 ຄົນ ພ້ອມຕັ້ງເປົ້າໝາຍ 2 ຫຼຽນຄຳ ແລະ ກຳນົດເອົາ 25 ປະເພດກີລາເຂົ້າຮ່ວມແຂ່ງຂັນ ສະເພາະນຳໃຊ້ງົບປະມານຂອງລັດຖະບານ ຈຳນວນ 18 ປະເພດກີລາ ຈາກທັງໝົດ 230 ຄົນ ແລະ ບັນດາສະຫະພັນກິລາແຫ່ງຊາດ ຮັບຜິດຊອບກຸ້ມຕົນເອງ ມີ 7 ປະເພດກີລາ ຈາກທັງໝົດຈຳນວນ 140 ຄົນ, ເຊິ່ງ ຊີເກມຄັ້ງຫຼ້າສຸດເມື່ອປີ 2017 ສປປ ລາວ ສາມາດຍາດມາໄດ້ 2 ຫຼຽນຄຳ, 3 ຫຼຽນເງິນ ແລະ 21 ຫຼຽນທອງ ຈັດຢູ່ອັນດັບທີ 9 ຈາກ 11 ປະເທດທີ່ເຂົ້າຮ່ວມ.
ຂ່າວ: ຄໍາສອນ; ຮູບຈາກ: AP ແລະ ຄອນ ສຸກສາຄອນ
