ຫຼັງຂຶ້ນອາກອນທຸລະກິດຮ້ານຄ້າໃນຍີ່ປຸ່ນງຽບເຫງົາ - Laoedaily

ຫຼັງຂຶ້ນອາກອນທຸລະກິດຮ້ານຄ້າໃນຍີ່ປຸ່ນງຽບເຫງົາ

ໃນເດືອນ ຕຸລາທີ່ຜ່ານມາ,ຍອດຄ້າຂາຍຍ່ອຍຂອງຍີ່ປຸ່ນຕົກຕໍ່າລົງຢ່າງໜັກນັບຕັ້ງແຕ່ເດືອນ ມີນາປີ2015ເປັນຕົ້ນມາຫຼັງຈາກລັດຖະບານຂຶ້ນອາກອນຈາກ8%ເປັນ10%ເມື່ອຕົ້ນເດືອນຕຸລາເຮັດໃຫ້ປະຊາຊົນໃຊ້ຈ່າຍໜ້ອຍ.

ກະຊວງອຸດສາຫະກໍາ ແລະ ການຄ້າຍີ່ປຸ່ນລາຍງານວ່າ:ຍອດຄ້າຂາຍຍ່ອຍເດືອນ ຕຸລາຫຼຸດລົງ7,1%ຈາກເດືອນດຽວກັນຂອງປີກ່ອນຫຼາຍທີ່ສຸດນັບຈາກເດືອນ ມີນາປີ2015ທີ່ຫຼຸດລົງ9,7% ແລະ ຫຼາຍກວ່າທີ່ນັກເສດຖະສາດຄາດຄະເນວ່າຈະຫຼຸດລົງ4,4%ສາເຫດເນື່ອງຈາກຄວາມຕ້ອງການຊື້ສິນຄ້າເຊັ່ນລົດ,ເຄື່ອງໃຊ້ຄົວເຮືອນ ແລະ ເຄື່ອງນຸ່ງຫຼຸດລົງ.

ນັກວິໄຈຈາກສະຖາບັນວິໄຈ ເອັນແອວໄອຊີໃຫ້ຮູ້ວ່າ:ລາຍໄດ້ທີ່ບໍ່ເພີ່ມຂຶ້ນເຮັດໃຫ້ການບໍລິໂພກຫຼຸດໜ້ອຍຖອຍລົງຕັ້ງແຕ່ຍັງບໍ່ຂຶ້ນອາກອນ.

ຂະນະທີ່ນັກເສດຖະສາດຂອງແຄປິຕອນອີໂຄໂນມິກລະບຸວ່າຍອດຄ້າຂາຍຍ່ອຍຫຼັງຂຶຶ້ນອາກອນຮອບຫຼ້າສຸດຫຼຸດລົງຫຼາຍກວ່າເມື່ອຄັ້ງທີ່ລັດຖະບານຂຶ້ນອາກອນສອງຄັ້ງກ່ອນໂດຍຫຼຸດລົງ14,4%ຈາກເດືອນກ່ອນໜ້ານັ້ນເມື່ອປຽບທຽບກັບການຂຶ້ນອາກອນຈາກ3%ເປັນ5%ໃນເດືອນ ເມສາປີ1997  ແລະ ຈາກ5%ເປັນ8%ໃນເດືອນ ເມສາປີ2014ທີ່ຫຼຸດລົງ13,7%ຈາກເດືອນກ່ອນໜ້ານັ້ນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ