ງານໄທແລນໂມໂຕເອັກໂປ 2019 ມາເຕັມລົດລຸ້ນໃໝ່ ຄົນຮັກລົດຫ້າມພາດ - Laoedaily

ງານໄທແລນໂມໂຕເອັກໂປ 2019 ມາເຕັມລົດລຸ້ນໃໝ່ ຄົນຮັກລົດຫ້າມພາດ

ເປີດງານຢ່າງທາງການແລ້ວສໍາລັບງານໂມໂຕ ອິນເຕີເນເຊິນນໍ ເອັກໂປ 2019 ງານວາງສະແດງລົດທີ່ຍິ່ງໃຫຍ່ທີ່ສຸດຂອງປະເທດໄທ ປີໜຶ່ງມີຄັ້ງດຽວ ໂດຍ ປີນີ້ເປັນຄັ້ງທີ 36 ແລ້ວ ບອກເລີຍວ່າສໍາລັບໃຜທີ່ມັກຮັກລົດ, ຫຼືກໍາລັງຄິດຊອກຫາລົດຢູ່ ຄວນມາສໍາຜັດ, ເລາະຊົມບັນດາຍີ່ຫໍ້ຕ່າງໆໃນງານນີ້ໄດ້ສະເພາະລົດໃຫຍ່ມີ 34 ຄ້າຍລົດລໍຖ້າທ່ານມາສຳຜັດ ຈາກ 9 ປະເທດ ແລະ ລົດຈັກ 26 ຄ້າຍຈາກ 8 ປະເທດ ໃຫ້ທ່ານໄດ້ເລືອກໃນແບບທີ່ຕົນເອງຕ້ອງການ.

.

ທາງບໍລິສັດສື່ສາກົນ ຈໍາກັດຜູ້ຈັດງານວາງສະແດງລົດຄັ້ງທີ 36 ຫຼື Thailand International Motor Expo 2019 ຈັດງານໃນປີນີ້ ນອກຈາກຈະນຳເອົາລົດໃໝ່ຫຼາກຫຼາຍຮູບແບບມານຳສະເໜີແລ້ວ ຍັງເປີດໃຫ້ທົດລອງຂັບຂີ່ໄດ້ມັກຈິ່ງຈອງຊື້ເປັນເຈົ້າຂອງ ຕັ້ງເປົ້າຍອດຂາຍລົດໃຫຍ່ 50 ພັນຄັນ, ລົດຈັກ 9 ພັນຄັນ.

.

ທ່ານ ຂວັນ ໄຊ ປະພັດພົງ ປະທານບໍລິສັດສື່ສາກົນຈໍາກັດຜູ້ດຽວໄດ້ກ່າວວ່າ: ພາຍໃນງານນອກຈາກ ຈະມີລົດຫລາກຫຼາຍຍີ່ຫໍ້ໃຫ້ທ່ານໄດ້ສໍາຜັດແລ້ວຍັງມີໂປໂມຊັນ, ຂອງແຈກຂອງແຖມ ແລະສິນຄ້າອື່ນໆທີ່ຕິດພັນກັບເວດວົງລົດໃຫ້ທ່ານທີ່ມາຮ່ວມງານໄດ້ເພີດເພີນຕະຫຼອດງານ ພິເສດກວ່ານັ້ນທ່ານຍັງຈະໄດ້ພົບກັບຊ່ຽວຊານລົດຍົນຈາກຕ່າງປະເທດ ມາໃຫ້ຄໍາແນະນໍາທີ່ເປັນປະໂຫຍດຕໍ່ການນຳໃຊ້ລົດອີກດ້ວຍ.

.

ຄາດວ່າງານ Thailand International Motor Expo 2019 ຈະຊ່ວຍກະຕຸ້ນຍອດຈໍາໜ່າຍລົດໃຫ້ບັນຍາກາດດີຂຶ້ນກວ່າເກົ່າ ໂດຍຕັ້ງເປົ້າວ່າພາຍໃນງານຈະມີຍອດຈອງລົດ 50 ພັນຄັນ ແລະ ລົດຈັກ 9 ພັນຄັນນັບເປັນດ້ວຍມູນຄ່າ 56.000 ລ້ານບາດ(ສະກຸນເງິນໄທ)

.

ສໍາລັບໃຜທີ່ມີເງື່ອນໄຂຕ້ອງຍາດໂອກາດມາໃຫ້ໄດ້ ງານເລີ່ມຕັ້ງແຕ່ວັນທີ 30 ພະຈິກ – 10 ທັນວາ 2019 ທີ່ອາຄານຊາເລັນເຈີ IMPACT ເມືອງທອງທານີ.

.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ