ລິໂອເນລ ເມສຊີ ກອງໜ້າຂອງ ບາເຊໂລນາ ສະໂມສອນໃນ ລາລີກາ ແອັດສະປາຍ ສ້າງສະຖິຕິຍິງປະຕູໃສ່ຫຼາຍທີມທີ່ສຸດໃນ ຢູຟາ ແຊັມປ້ຽນລີກ ດ້ວຍຈໍານວນ 34 ທີມ ຫຼັງຈາກນັດຫຼ້າສຸດຊ່ວຍໃຫ້ ບາເຊໂລນາ ເອົາຊະນະ ໂບຣຸສເຊຍ ດ໊ອດມູນ 3-1 ໃນກຸ່ມ F ເມື່ອວັນທີ 27 ພະຈິກ 2019.
ເມສຊີ ເປັນຄົນທີ່ຍິງປະຕູທີ 2 ໃຫ້ກັບ ບາເຊໂລນາ ຈາກຜົນດັ່ງກ່າວເຮັດໃຫ້ ລາວຂຶ້ນນໍາໃນສະຖິຕິດັ່ງກ່າວແບບດ່ຽວໆ ໂດຍມີ ຣາອູລ ກອນຊາເລຊ ແລະ ຄຣິສເຕຍໂນ ໂຣນັລໂດ ທີ່ຍິງໃສ່ຈໍານວນ 33 ທີມ. ນອກນັ້ນ ປະຕູດັ່ງກ່າວຍັງເປັນປະຕູທີ 2 ຂອງ ເມສຊີ ໃນຢູຟາ ແຊັມປ້ຽນລີກ ລະດູການ 2019-2020 ອີກດ້ວຍ.
ເວັບໄຊ www.laoedaily.com.la ເປັນສ່ວນຫນຶ່ງຂອງຫນັງສືພິມ ເສດຖະກິດ ການຄ້າ ເຊິ່ງຢູ່ພາຍໃຕ້ການຊີ້ນຳຂອງກະຊວງອຸດສາຫະກໍາ ແລະ ການຄ້າ. ເປັນເວັບໄຊທີ່ຖືກອອກແບບ ໃຫ້ມີຂໍ້ມູນທີ່ຫລາກຫລາຍ ເພື່ອຮອງຮັບຄວາມຕ້ອງການຂອງຜູ້ບໍລິໂພກທຸກຊັ້ນຄົນ ນັບແຕ່ຂ່າວການເມືອງ, ເສດຖະກິດ, ທຸລະກິດ, ວັດທະນະສັງຄົມ,ສິລະປະບັນເທີງ, ກີລາ, ຂ່າວສານຕ່າງປະເທດ ແລະ ນາໆຄວາມຮູ້ຕ່າງໆ ລວມເຖິງ ຮູບພາບ ແລະ ວີດີໂອຕ່າງໆ ກາຍເປັນແຫຼ່ງຄວາມຮູ້ ຄູ່ສັງຄົມຢ່າງແທ້ຈິງ.
Contact us: edailylao@gmail.com
© Lanxang Media SOLE CO., LTD 2021
