ຫ້ອງການ ພະແນກແຮງງານ ແລະ ສະຫວັດດີການສັງຄົມ (ຮສສ) ເມືອງລະມາມ ແຂວງ ເຊກອງ ແລະ ທິມງານລາວຊ່ວຍລາວ ຢູ່ປະເທດການາດາ ຮ່ວມກັບປະຊາຊາຊົນຊາວການາດາ ໄດ້ນຳເອົາເຂົ້າສານມາມອບໃຫ້ປະຊາຊົນເມືອງລະມາມ ຈຳນວນ 9 ບ້ານ ທີ່ຖືກຜົນກະທົບຈາກພາຍຸໄພພິບັດໃນເມື່ອກ່ອນ. ເພື່ອເປັນການຊ່ວຍເຫຼືອບັນເທົາໃນເບື້ອງຕົ້ນ ໃນວັນທີ 25 ພະຈິກ 2019 ຜ່ານມາ.
ໂດຍການເຂົ້າຮ່ວມຂອງທ່ານ ບຸນເດັກ ແກ້ວອຳໄຂ ຫົວໜ້າຫ້ອງການ ຮສສ ເມືອງ, ມີພະນັກງານ ພ້ອມດ້ວຍນັກສຶກສາ ແລະ ປະຊາຊົນລາວທີ່ຢູ່ປະເທດການາດາ ເຂົ້າຮ່ວມ.
ການມອບເຂົ້າສານໃຫ້ 9 ບ້ານ ຄັ້ງນີ້: ມີ ບ້ານໂພນ ມີ 4 ຄອບຄົວ, ບ້ານຕີ້ວ ມີ 5 ຄອບຄົວ, ບ້ານໜອງບົງ 6 ຄອບຄົນ; ບ້ານເພຍໃໝ່ 15 ຄອບຄົວ, ບ້ານໂພນຄຳ ມີ 10 ຄອບຄົວ, ບ້ານໃໝ່ຫົວເມືອງ ມີ 2 ຄອບຄົວ, ບ້ານປາກໂທນ ມີ 8 ຄອບຄົວ, ບ້ານດອນຈັນ 5 ຄອບຄົວ ແລະ ບ້ານເຊນ້ອຍ ມີ 4 ຄອບຄົວ. ເຊິ່ງແຕ່ລະບ້ານໄດ້ຮັບເຂົ້າສານຄອບຄົວລະ 10 ກິໂລ ຕາມຄວາມເໝາະສົມ.
ພ້ອມນີ້ທ່ານ ຫົວໜ້າຫ້ອງການ ຮສສ ກໍ່ໄດ້ສະແດງຄວາມຄອບອົກຂອບໃຈນຳທິມງານທີ່ມາຈາກປະເທດການາດາທີ່ໄດ້ໃຫ້ການຊ່ວຍເຫຼືອໃນຄັ້ງນີ້ ແລະ ອວຍພອນມາຍັງບັນທ່ານທຸກສະຫາຍຈົ່ງມ່ສະຂະພາບແຂງແຮງມີພາລະນາໄມສົມບູນ ພ້ອມກັນສືບຕໍ່ຈັດຕັ້ງປະຕິບັດວຽກງານຂອງທ່ານໃຫ້ປະສົບຜົນສຳເລັດໂດຍດີ.
