ຢູ 19 ລາວ ເກັບໂອກາດເຂົ້າຮອບຕໍ່ໄປ ຫຼັງບຽດຊະນະ ເຈົ້າພາບ ຄັດບານເຕະຊີງແຊັມອາຊີ 2020 - Laoedaily

ຢູ 19 ລາວ ເກັບໂອກາດເຂົ້າຮອບຕໍ່ໄປ ຫຼັງບຽດຊະນະ ເຈົ້າພາບ ຄັດບານເຕະຊີງແຊັມອາຊີ 2020

ຢູ 19 ລາວ ລົງສະຫນາມນັດທີ 2 ພົບ ທີມຊາດໄຕ້ຫວັນ ( ເຈົ້າພາບ ) ໃນລາຍການແຂ່ງຂັນບານເຕະຊາຍ ຊີງແຊ້ມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ກຸ່ມ H ຫລື AFC U-19 CHAMPIONSHIP 2020, Qualifiers ໃນວັນທີ 8 ພະຈິກ 2019

ຜ່ານການແຂ່ງຂັນຜົນປະກົດວ່າ: ທີມຊາດລາວ ຢູ 19 ບຽດຊະນະ ທີມຊາດໄຕ້ຫວັນ ຢູ 19 2-1 ໂດຍທີມຊາດລາວ ໄດ້ປະຕູຂຶ້ນນຳກ່ອນໃນເຄິ່ງເວລາທຳອິດ ອານຸສອນ ໄຊປັນຍາ ນາທີ 34 ແລະ ບຸນມີ ປິ່ນແກ້ວ ນາທີ 41, ສ່ວນ ໄຕ້ຫວັນ ໄດ້ປະຕູ ຈາກ LIN CHUN KAI ນາທີ 51 ເຮັດໃຫ້ ທີມຊາດລາວ ເກັບເພີ່ມເປັນ 4 ຄະແນນເທົ່າກັບ ອົດສະຕຣາລີ ທີມນໍາຕາຕະລາງຄະແນນລວມ ( ນັດທີ 2 ຊະນະ ມາເກົາ 6-0 ) ລູ້ນຕໍ່ນັດສຸດທ້າຍ. ຂະນະທີ່ ໄຕ້ຫວັນ ມີ 3 ຄະແນນ ແລະ ມາເກົາ ບໍ່ມີຈັກຄະແນນ.

ສໍາລັບ ທີມຊາດລາວ ຢູ 19 ນັດສຸດທ້າຍຈະລົງສະໜາມ ໃນວັນທີ 10 ພະຈິກ 2019 ເວລາ 16:00 ມາເກົາ ພົບ ລາວ ແຂ່ງຂັນຢູ່ທີ່ສະຫນາມ National Stadium (Kaohsiung City), CHINESE TAIPEI.

ຮູບຈາກ: ສຕລ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ