ຄຣິສເຕຍໂນ ໂຣນັລໂດ ກອງໜ້າຂອງ ຢູເວນຕຸສ ສ້າງສະຖິຕິລົງຫຼິ້ນໃນລາຍການຂອງ ເອີຣົບ ( ລວມທຸກລາຍການ ) ເປັນນັດທີ 174 ທຽບເທົ່າກັບ ເປົາໂລ ມັລດິນີ ຕໍານານກອງຫຼັງຂອງ ເອຊີ ມິລານ ຫຼັງໄດ້ລົງເປັນຕົວຈິງໃນການແຂ່ງຂັນບານເຕະ ຢູຟາ ແຊັມປ້ຽນລີກ ຮອບແບ່ງກຸ່ມໆ D ນັດທີ 4 ທີ່ ຢູເວນຕຸສ ບຸກໄປເອົາຊະນະ ໂລໂຄໂມທິຟ 2-1 ໃນວັນທີ 6 ພະຈິກ 2019.
ເຮັດໃຫ້ມີພຽງ ອີເກ ກາຊີຢາສ ຜູ້ຮັກສາປະຕູຂອງ ເອັຟຊີ ປໍໂຕຣ ທີມໃນປ໊ອກຕຸຍການ ເທົ່ານັ້ນທີ່ລົງຫຼິ້ນໃນລາຍການຊີງຂັນບານເຕະຂອງເອີຣົບຫຼາຍກວ່າ ໂຣນັລໂດ ແລະ ມັລດິນີ, ເຊິ່ງ ກາຊີຢາສ ປັດຈຸບັນອາຍຸ 38 ປີລົງຫຼິນໄປແລ້ວທັງໝົດ 188 ນັດ.
ສໍາລັບ ໂຣນັລໂດ ທີ່ເຄີຍຫຼິ້ນໃຫ້ກັບ ຣີລ ມາດຣິດ, ແມນເຊັສເຕີ ຢູໄນເຕັດ ແລະ ສະປອດຕິງ ລິສບອນ ເຄີຍລົງແຂ່ງຂັນບານເຕະຊີງຂັນຂອງເອີຣົບລາຍການ ຢູຟາ ແຊັມປ້ຽນລີກ, ຢູຟາ ຄັບ ( ປັດຈຸບັນ ຢູຟາ ຢູໂຣປາ ລີກ ) ແລະ ຢູຟາ ຊູເປີ ຄັບ.
(ຮູບຈາກ: AP)
