ບອກເລີຍວ່າມີແຕ່ຄົນບໍ່ທໍາມະດາຜູ້ເຂົ້າປະກວດນາງສາວລາວ 2019 ປີນີ້ ໜຶ່ງສາວງາມຈາກ ແຂວງ ໄຊສົມບູນ ໝາຍເລກ 33 ລາ ຈັນລາ ຕະວະມີໄຊ, ອາຍຸ 17 ປີ, ສູງ 165 ຊັງຕີແມັດ, ສັດສ່ວນ 33-24-35,
ປັດຈຸບັນ ຢູ່ບ້ານນ້ຳໂມ້ ເມືອງອານຸວົງ ແຂວງ ໄຊສົມບູນ, ກໍາລັງຮຽນຢູ່ໂຮງຮຽນມ.ສ ໄຊສົມບູນ ຊັ້ນ ມ 6
ລາບອກວ່າ: ທີ່ເຂົ້າມາປະກວດໃນເວທີນີ້ກໍ ເພື່ອຢາກຮຽນຮູ້ ແລະ ຊອກຫາປະສົບການໃໝ່ໆນ້ອງເຊື່ອວ່າເວທີນີ້ເປັນເວທີໜຶ່ງທີ່ມອບໂອກາດໃຫ້ແກ່ແມ່ຍິງລາວໄດ້ສະແດງຄວາມສາມາດ ແລະ ສົ່ງເສີມໃຫ້ເຍົາວະຊົນລຸ້ນໃໝ່ໄດ້ຮຽນຮູ້ວັດທະນະທຳ ກ້າສະແດງອອກໃນຫຼາຍໆດ້ານ ເພື່ອໄປພັດທະນາຕົນເອງ ແລະ ປະເທດຊາດ
ສໍາລັບ ລາ ຜ່ານມາບໍ່ເຄີຍເຂົ້າປະກວດເວທີໃດມາກ່ອນນີ້ເປັນເວທີທຳອິດທີ່ນ້ອງໄດ້ມີໂອກາດມາປະກວດ ແຕ່ຜົນງານດ້ານບັນເທີງທີ່ຜ່ານມາເຄີຍເຂົ້າຮ່ວມດ້ານສີລະປະຂອງໂຮງຮຽນ, ຟ້ອນຕາມງານທີ່ໂຮງຮຽນຈັດຂື້ນ.
ຄວາມຄາດຫວັງຂອງນ້ອງໃນເວທີນີ້ ນ້ອງກໍຫວັງວ່ານີ້ເປັນເວທີໜຶ່ງທີ່ຈະນຳພາ ແລະ ສົ່ງເສີມໃຫ້ແມ່ຍິງລາວໄດ້ສະແດງຄວາມສາມາດກ້າວສູ່ໂລກທີ່ທັນສະໄໝ ເຖິງລະດັບສາກົນ ນ້ອງເຊື່ອວ່າ ການປະກວດຄັ້ງນີ້ຢ່າງໜ້ອຍມີ່ສຸດນ້ອງຈະໄດ້ປະສົບການດີໆກັບໄປປັບປຸງໂຕເອງ.
ນ້ອງມີຄວາມສາມາດທີ່ກ້າສະແດງອອກ, ວ່າຈະເປັນການວາງໂຕ,ການເວົ້າຈາ, ການແຕ່ງກາຍໃຫ້ທັນຍຸກສະໄໝ ແລະ ມັນເປັນແຮງພັກດັນໃຫ້ຄົນລຸ່ນໃໝ່ ແລະ ຄົນຕ່າງຊາດເຂົ້າມາຮັບຮູ້ເຖິງວັດທະນາທຳອັນດີງາມຂອງລາວເຮົາ, ທີ່ມີການສືບທອດຈາກລຸ້ນສູ່ລຸ້ນ ນ້ອງກໍຈະເຮັດໃຫ້ດີທີ່ສຸດເມື່ອໄດ້ຮັບໂອກາດ.
ສໍາລັບເຄັດລັບໃນການຮັກສາສຸຂະພາບ ແລະ ຮ່າງກາຍຂອງນ້ອງ ເຮົາຕ້ອງເລືອກກີນອາຫານທີ່ມີປະໂຫຍດຕໍ່ຮ່າງກາຍບໍ່ວ່າຈະເປັນປະເພດຜັກ, ໝາກໄມ້ຕ່າງໆ, ນົມ ແລະໝັ່ນອອກກຳລັງກາຍ.
ເວລາວ່າງຂອງນ້ອງສ່ວນໃຫຍ່ແມ່ນນ້ອງຈະມັກຄົ້ນຫາປະສົບການໃໝ່ໆເຊັ່ນ:ອ່ານໜັງສື, ອ່ານເລື່ອງສາລະຄະດີ ແລະ ຊອກຫາຄວາມຮູ້ອື່ນໆເພີ່ມເຕີມເພື່ອພັດທະນາຄວາມຮູ້ຂອງຕົນເອງ.
ສ່ວນເລື່ອງຜູ້ຊາຍໃນສະເປັກຂອງນ້ອງຄິດວ່າມັນເປັນເລື່ອງອະນາຄົດ ແຕ່ຖ້າຫາກມີຂໍເປັນຄົນທຳມະດາ ແລະ ເຂົ້າໃຈເຖິງຜູ້ຍິງ, ບໍ່ຈຳເປັນຕ້ອງເປັນຄົນຫລໍ່, ລວຍ, ຖານະດີ ຂໍພຽງຈິງໃຈກໍໄຟຂຽວ…
ລາ ມີອ້າຍນ້ອງ3ຄົນລວມທັງຕົນເອງນ້ອງເປັນລູກຄົນທີ 2.
