ຈົບລົງໄປແລ້ວສໍາລັບເວທີປະກວດສາວງາມ Miss Asia Global 2019 ຈັດຂຶ້ນທີ່ປະເທດອິນເດຍ ຮອບຕັດສິນໃນຄໍ່າຄືນວັນທີ 1 ພະຈິກ 2019
*
ລາວເຮົາ ສາວ ແຮ່ນນ້າ ໂລຊັນບູ້ມ ເປັນຕົວແທນເຂົ້າປະກວດ ແລະ ສາມາດຄວ້າລາງວັນຈາກເວທີດັ່ງກ່າວມາຝາກຊາວລາວກໍຄືລາງວັນ Miss social media ເປັນລາງວັນທີ່ໄດ້ຮັບຄວາມນິຍມຫຼາຍໃນສື່ອອນລາຍ ບໍ່ວ່າຈະເປັນການໂຫວດ ກົດໄລ໊ ກົດແຊ ສະແດງຄວາມຄິດເຫັນຕ່າງໆ
*
ແນວໃດກໍຂໍສະແດງຄວາມຍິນດີນໍາເດີ້ ນ້ອງ ແຮ່ນນ້າ ຄັ້ງທໍາອິດ, ປີທໍາອິດທີ່ລາວເຮົາສົ່ງເຂົ້າປະກວດ ກໍສາມາດຍາດລາງວັນມາຝາກຄົນລາວ ສ້າງຊື່ສຽງໃຫ້ກັບປະເທດ
*
ທັງຄວາມສາມາດ, ຄວາມຮູ້, ທັກສະຕ່າງໆທີ່ສາວ ແຮ່ນນ້າ ສະແດງອອກໃນເວທີ ໃນການປະຕິບັດກິດຈະກໍາຕ່າງໆຕະຫຼອດເວລາການປະກວດມັນເຮັດໃຫ້ຄົນພາຍໃນຊາດ ແລະ ຕ່າງຊາດໄດ້ຮູ້ຈັກປະເທດລາວ, ສາວລາວທີ່ທັງງາມ ແລະ ເກັ່ງບໍ່ແພ້ຊາດໃດ…
*