ງານປະກວດນາງງາມລຸ້ນໃຫຍ່ສິ້ນສຸດລົງດ້ວຍຄວາມພາກພູມໃຈ ທີ່ຕົວແທນຈາກລາວສາມາດສ້າງປະຫວັດສາດໄດ້ຢ່າງຈົບງາມ ນຳເອົາຊື່ສຽງພ້ອມມົງກຸດກັບມາຝາກຊາວລາວຢ່າງສົມກຽດ ໂດຍ ສາວ ປີວ ມະໄລທອງ ສີລິສັກ.
ການແຂ່ງຂັນເວທີລະດັບໂລກ Mrs. Tourism Pageant 2019 ມີຂຶ້ນໃນໃນຄໍ່າຄືນວັນທີ 28 ຕຸລາ 2019 ທີ່ປະເທດຟິລິບປິນ.
ແລະ ນັບວ່າເປັນຄັ້ງປະຫວັດຊາດທີ່ໂລກຕ້ອງຈາລຶກ ໂດຍສະເພາະຄົນລາວເຮົາ ປິວ ມາໃລທອງ ສີລິສັກ ຕົວແທນນາງງາມລຸ້ນໃຫຍ່ຈາກລາວ ສາມາດຜ່ານເຂົ້າຮອບ 5 ຄົນສຸດທ້າຍໄດ້ ແລະ ໄດ້ຮັບລາງວັນ Mrs TouRism Earth 2019 ມາຝາກຊາວລາວ ແລະ ຊາວໂລກໄດ້ຮັບຮູ້ຢ່າງເປັນທາງການ.
ປິວ ບອກວ່າ: ຮູ້ສຶກດີໃຈ ເປັນກຽດທີ່ໄດ້ເປັນຕົວແທນນາງງາມລຸ້ນໃຫຍ່ ຄົນທໍາອິດ, ປີທໍາອິດ ແລະ ເປັນຄົນທີ່ສ້າງປະຫວັດສາດໃຫ້ແກ່ປະເທດ ກໍຄືຊື່ສຽງໃນວົງການນາງງາມທີ່ມີລາວ ກໍຄືທຸງຊາດລາວໄດ້ໄປຢືນຢູ່ໃນ 1 ຂອງ 5 ນາງສາວເວທີລະດັບໂລກຢ່າງ Mrs. Tourism Pageant 2019.
ແລະໄດ້ລາງວັນ ທີ່ສະແດງເຖິງຄວາມສາມາດແມ່ດີເດັ່ນ, ເຮັດວຽກເພື່ອສັງຄົມເປັນແບບຢ່າງແມ່ທີ່ດີໃນສັງຄົມ ແລະ ໃນໂລກ ທີ່ເປັນແມ່ຍິງຕ້ອງມີຄວາມພ້ອມທຸກຢ່າງ ກໍຄື ລາງວັນ Mrs TouRism Earth 2019 ເພາະຫຼັງຈາກໄດ້ຮັບຕໍາແໜ່ງເປັນເວລາ 1 ປີ ກໍຈະໄດ້ດໍາລົງຕໍາແໜ່ງ ປະຕິບັດໜ້າທີ່ ເຮັດວຽກນໍາທາງກອງປະກວດ ໃນການຊ່ວຍເຫລືອສັງຄົມ ແລະ ເດີນທາງໄປນຳການປະກວດທີ່ຈັດຂື້ນໃນຫຼາຍປະເທດທີ່ຖືກເຊີນ.
ນັບວ່າໄດ້ທັງຄວາມຮູ້ ປະສົບການດີໆຫຼາຍຢ່າງຈາກເວທີດັ່ງກ່າວ ແລະ ເປັນການເປີດກວ້າງໃຫ້ຄົນຕ່າງຊາດໄດ້ຮັບຮູ້ວ່າ, ສາວລາວ ແມ່ຍິງລາວກໍງາມ ແລະ ມີຄວາມສາມາດບໍ່ນ້ອຍໄປກວ່າຊາດໃດໃນໂລກນີ້.
ປັດຈຸບັນ ປິວ ມາໃລທອງ ຍັງບໍ່ທັນໄດ້ກັບມາລາວເທື່ອ ເພາະຍັງຈະໄດ້ໃຫ້ສຳພາດກັບນັກຂ່າວຫຼາຍຊ່ອງ ແລະ ຍັງຈະເດີນສາຍຂອບໃຈສະປອນເຊີ້ ແນວໃດກໍຝາກຕິດຕາມຜົນງານ ການເຄື່ອນໄຫວຕ່າງໆໄດ້!!!
.
