ວິທີເຮັດຊາສິງໃຄໃບເຕຍ ດື່ມແກ້ອາການຊາ, ເຈັບຫຼັງ ແລະ ເຈັບຂາ - Laoedaily

ວິທີເຮັດຊາສິງໃຄໃບເຕຍ ດື່ມແກ້ອາການຊາ, ເຈັບຫຼັງ ແລະ ເຈັບຂາ

ສິງໃຄ ແລະ ໃບເຕຍ ເປັນສະໝຸນໄພທີ່ມີສັບພະຄຸນຫຼາກຫຼາຍ ທີ່ເປັນປະໂຫຍດຕໍ່ຮ່າງກາຍ ແລະ ທີ່ສຳຄັນ ສະໜຸນໄພສອງຊະນິດນີ້ແມ່ນມີສັບພະຄຸນທາງຢາ ໂດຍສະເພາະແມ່ນສິງໃຄໄດ້ນໍາມາເປັນສ່ວນປະກອບໃນການເຮັດຢານວດ ແລະ ອື່ນໆ. ເຊິ່ງມື້ນີ້ ຈະມາແນະນຳການເຮັດຊາສິງໃຄໃບເຕຍ ດື່ມແກ້ອາການຊາ, ເຈັບຫຼັງ, ເຈັບຂາ ເຊິ່ງຂັ້ນນຕອນການເຮັດແນວໃດ ໄປເບິ່ງນຳກັນເລີຍ!!!

ສ່ວນປະສົມ:
ສິງໃຄ 3-4 ຫົວ
ໃບເຕຍ 6-7 ກ້ານ
ນໍ້າຕານໝາກພ້າວ ຫຼື ນໍ້າເຜິ້ງ ຫຼື ນໍ້າຊາຍກໍ່ໄດ້ (ບໍ່ໃສ່ຍິ່ງເປັນການດີ)
ນໍ້າດື່ມສະອາດ 1 ລິດ

ວິທີເຮັດ: ຂັ້ນຕອນການເຮັດ ແມ່ນລ້າງສິງໃຄ ແລະ ໃບເຕຍ ໃຫ້ສະອາດ. ຫຼັງຈາກນັ້ນ, ນຳມາຕົ້ມຈົນຟົດ. ຈາກນັ້ນ, ຜ່ອນໄຟລົງຄ່ອຍໆ ແລ້ວຕົ້ມຕໍ່ອີກ 15 ນາທີ ຫ້າມເປີດຝາໂດຍເດັດຂາດ. ເມື່ອຄົບ 15 ນາທີແລ້ວ ປະໄວ້ໃຫ້ເຢັນ. ຫາກຕ້ອງການໃສ່ນໍ້າຕານ ກໍ່ສາມາດໃສ່ໄດ້ ແຕ່ໃຫ້ໃສ່ໃນປະລິມານທີ່ພໍດີ. ຖ້າຫາກຈະເຮັດໃຫ້ດື່ມຫຼາຍເທື່ອ ແນະນຳຫ້າມໃສ່ນໍ້າຕານຕອນຕົ້ມ ເມື່ອນໍາມາດື່ມຈຶ່ງໃສ່ນໍ້າຕານທີ່ຫຼັງ.

ພ້ອມນີ້, ຈາກຜົນວິໄຈໃຫ້ຮູ້ວ່າ ຊາສິງໃຄໃບເຕຍ ຫາກດື່ມແທນນໍ້າລ້າໆຕິດຕໍ່ກັນປະມານ 1 ອາທິດ ຈະຊ່ວຍລ້າງກົດຍູຣິກອອກຈາກຮ່າງກາຍອີກດ້ວຍ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ