ສູນບໍລິການວິສາຫະກິດຂະໜາດນ້ອຍ ແລະ ກາງ, ສະພາການຄ້າ ແລະ ອຸດສາຫະກຳແຫ່ງຊາດລາວ ຈັດຊຸດຝຶກອົບຮົມໃນຫົວຂໍ້ “ ຊຸດຄູ່ມືການຂຽນແຜນທຸລະກິດ, ຄູ່ມືການຄຸ້ມຄອງການບໍລິຫານການເງິນ ແລະ ການໃຫ້ຄຳປຶກສາຂອງການເຮັດຄູ່ມືຕົວຈິງ ເພື່ອເຂົ້າຫາແຫຼ່ງທຶນຂອງທະນາຄານໃຫ້ແກ່ຫົວໜ່ວຍທຸລະກິດຂະໜາດນ້ອຍ ແລະ ກາງ ( SME ) ຂອງແຂວງສະຫວັນນະເຂດ ” ຂຶ້ນໃນລະຫວ່າງວັນທີ 7 – 11 ຕຸລາ 2019 ທີ່ຫ້ອງປະຊຸມສະພາການຄ້າ ແລະ ອຸດສາຫະກຳແຂວງ ພາຍໃຕ້ການເປັນປະທານຂອງ ທ່ານ ສີທົນ ນັນທະລາດ ຫົວໜ້າພະແນກອຸດສາຫະກຳ – ການຄ້າແຂວງ, ທ່ານ ຄຳເພົ້າ ພັນທຸລັກ ຮອງປະທານສະພາການຄ້າ – ອຸດສາຫະກຳແຂວງ, ທ່ານ ພຸດທະສອນ ພົມວິໄສ ຫົວໜ້າສູນບໍລິການວິສາຫະກິດຂະໜາດນ້ອຍ ແລະ ກາງ ເຊິ່ງບັນດາຫົວໜ່ວຍທຸລະກິດ SME ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີ, ທ່ານ ສີທົນ ນັນທະລາດ ກ່າວວ່າ: ມື້ນີ້ນັບວ່າເປັນໂອກາດອັນດີທີ່ພາກທຸລະກິດຂອງແຂວງສະຫວັນນະເຂດ ພວກເຮົາຈະໄດ້ມີໂອກາດສຶກສາຄົ້ນຄວ້າວິທີການຕ່າງໆ ບໍ່ວ່າຈະເປັນການຂຽນແຜນທຸລະກິດ, ແຜນການເງິນ ແລະ ແຜນບໍລິການການເງິນ ເພື່ອເຮັດແນວໃດໃຫ້ພາກທຸລະກິດສາມາດເຂົ້າຫາແຫຼ່ງທຶນຈາກທະນາຄານໄດ້ງ່າຍຂຶ້ນ ແລະ ເປັນເງື່ອນໄຂໃຫ້ເກີດການກູ້ຢືມທຶນ ເພື່ອການພັດທະນາ ແລະ ຂະຫຍາຍທຸລະກິດໃຫ້ເຕີບໃຫຍ່ ແລະ ເຂັ້ມແຂງ ສາມາດແຂ່ງຂັນກັບພາກພື້ນ ແລະ ສາກົນໄດ້.
