ສູນວິໄຈ ເຢຍລະມັນ ຄາດຄະເນວ່າ: ນະໂຍບາຍການຄ້າອາເມຣິກາ ຈະດຶງຍອດຂາຍລົດໃນຕະຫຼາດໂລກຕົກຮວບ 7 ຮ້ອຍຕື້ເອີໂຣ.
ສູນວິໄຈລົດແຫ່ງມະຫາວິທະຍາໄລດິດບວກ – ເອັດເຊິນ ຂອງເຢຍລະມັນ ຄາດຄະເນວ່າ: ອຸດສາຫະກໍາລົດທົ່ວໂລກ ອາດຈະສູນເສຍຍອດຂາຍເປັນຈໍານວນເງິນສູງເຖິງ 7 ຮ້ອຍຕື້ເອີໂຣ ຫຼື ປະມານ 7,65 ຮ້ອຍຕື້ໂດລາ ໃນໄລຍະ 7 ປີຕໍ່ໜ້າ ເນື່ອງຈາກບັນຫາການຄ້າ ເຊິ່ງມີຈຸດເລີ່ມຕົ້ນມາຈາກ ອາເມຣິກາ.
ໃນໄລຍະປີ 2018 – 2024 ນະໂຍບາຍການຄ້າຂອງ ອາເມຣິກາ ອາດຈະສົ່ງຜົນໃຫ້ຍອດຂາຍລົດໃນຕະຫຼາດໂລກຕົກລົງຢ່າງໜັກ ກວ່າ 35 ລ້ານຄັນ ຄິດເປັນມູນຄ່າ 7 ຮ້ອຍຕື້ເອີໂຣ.
ທ່ານ ເຟີດິນານ ດູເດນໂຮເຟບ ຜູ້ອໍານວຍການສູນວິໄຈດັ່ງກ່າວ ລະບຸວ່າ: ບັນຫາການຄ້າລະຫວ່າງ ຈີນ ແລະ ອາເມຣິກາ ເປັນໜຶ່ງໃນສາເຫດສໍາຄັນທີ່ເຮັດໃຫ້ຍອດຂາຍໃນອຸດສາຫະກໍາລົດທົ່ວໂລກຫຼຸດລົງ.
ສະມາຄົມຜູ້ຜະລິດລົດເອີຣົບ ຫຼື ເອຊີອີເອ ໃຫ້ຮູ້ວ່າ: ຍອດຂາຍລົດໃນສະຫະພາບເອີຣົບ ຫຼື ອີຢູ ໃນເດືອນສິງຫາທີ່ຜ່ານມາຫຼຸດລົງ 8,4% ເມື່ອປຽບທຽບປີຕໍ່ປີຈຸລະດັບ 1,04 ລ້ານຄັນ.
