ແກ້ໄຂບັນຫາຮອຍສິວດ້ວຍການໃຊ້ຂີງ - Laoedaily

ແກ້ໄຂບັນຫາຮອຍສິວດ້ວຍການໃຊ້ຂີງ

ຂີງເປັນພືດຜັກສວນຄົວທີ່ມີລົດຊາດເຜັດຮ້ອນ ໂດຍມີສັບພະຄຸນຫຼາຍປະການທີ່ໃຫ້ປະໂຫຍດຕໍ່ກັບຮ່າງກາຍ, ທີ່ສຳຄັນຍັງສາມາດນຳມາໃຊ້ປະໂຫຍດໃນດ້ານຄວາມງາມໃຫ້ແກ່ສາວໆໄດ້ອີກດ້ວຍ. ສຳລັບໃຜທີ່ປູກຂີງໄວ້ໃນຮົ້ວເຮືອນ ຫຼື ມັກກິນຂີງໃຫ້ລອງແບ່ງມາໃຊ້ເພື່ອແກ້ບັນຫາຮ່ອງຮອຍສິວເບິ່ງ.

ນອກຈາກນີ້, ຂີງຍັງສາມາດເຮັດໃຫ້ຜິວພັນຂອງເຮົາເບິ່ງອ່ອນເຍົາໄວ ແລະ ຊ່ວຍປັບສີຜິວໃຫ້ສະໝ່ຳສະເໝີກັນໄດ້ອີກ. ສະນັ້ນ, ສາວໆທ່ານໃດທີ່ຫາກໍເຊົາຈາກບັນຫາສິວແລ້ວ ມັກຈະປະຮ່ອງຮອຍດ່າງດຳໄວ້ເຕັມໄປໝົດ.

ວິທີໃນການແກ້ແມ່ນໃຫ້ລອງເອົາຂີງມາພອກໜ້າເບິ່ງໂດຍນຳເອົາຜົງຂີງ ຫຼື ນໍາເອົາຂີງສົດມາບົດເອົາແຕ່ນໍ້າມາປະສົມກັບນ້ຳໝາກນາວໃນປະລິມານທີ່ເທົ່າກັນແລ້ວໃສ່ນ້ຳເຜິ້ງລົງໄປປະສົມໃຫ້ເຂົ້າກັນດີ. ຈາກນັ້ນ, ນຳມາທາໃບໜ້າແລ້ວນວດໄປ -ມາປະມານ 5 ນາທີ ຈຶ່ງລ້າງອອກດ້ວຍນ້ຳສະອາດ ແລະ ເຮັດປະມານ 1 – 2 ຄັ້ງຕໍ່ອາທິດ ຜິວພັນຈະງາມສົດໃສເປັ່ງປັ່ງຂຶ້ນທັນຕາ.

ໃນເມື່ອຮູ້ຄືແນວນີ້ແລ້ວສາມາດນຳເອົາວິທີງ່າຍໆແບບນີ້ໄປທົດລອງເຮັດເບິ່ງໄດ້ ເພາະການທີ່ໃຊ້ຂີງມາບຳລຸງຜິວພັນເປັນວິທີມາຈາກທຳມະຊາດ ໂດຍບໍ່ຕ້ອງສ່ຽງກັບຜົນຂ້າງຄຽງທີ່ຈະໄດ້ຮັບຈາກສານເຄມີ ເຊິ່ງນອກຈາກຈະເຫັນຜົນແທ້ແລ້ວ ຍັງເຮັດໃຫ້ຜິວງາມຂຶ້ນແຖມຍັງປະຢັດເງິນ ແລະ ໄດ້ສຸຂະພາບຜິວທີ່ດີກັບຄືນມານຳ.

( ຂໍ້ມູນຈາກ: medthai.com )

( ຮຽບຮຽງ: ນຸ້ມນິ້ມ )

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ