ເງິນດິຈິຕອລຂອງຈີນ ໜູນປະຊາຄົມໂລກຫັນມາໃຊ້ເງິນຢວນ - Laoedaily

ເງິນດິຈິຕອລຂອງຈີນ ໜູນປະຊາຄົມໂລກຫັນມາໃຊ້ເງິນຢວນ

ສະກຸນເງິນດິຈິຕອລຂອງຈີນ ອາດຈະເຮັດໃຫ້ເງິນຢວນກາຍເປັນສະກຸນເງິນຫຼັກຂອງໂລກ, ແຕ່ມີຄວາມສ່ຽງເລື່ອງການກວດກາຈາກສູນກາງ.

ທະນາຄານກາງຈີນ ປະກາດຄວາມພ້ອມຂອງສະກຸນເງິນດິຈິຕອລຈີນ ໃນໄລຍະເດືອນທີ່ຜ່ານມາ ໂດຍອ້າງເຖິງການປ້ອງກັນການລະເມີດອະທິປະໄຕຈີນ ຜ່ານການແລກປ່ຽນເງິນຕາຕ່າງປະເທດ ໂດຍ ຈີນ ກຽມປ່ອຍເງິນສະກຸນດິຈິຕອລນີ້ ຜ່ານລະບົບ 2 ຊັ້ນ ທີ່ອະນຸຍາດໃຫ້ທັງທະນາຄານກາງ ແລະ ທະນາຄານເອກະຊົນເປັນຜູ້ຜະລິດເງິນດິຈິຕອລໄດ້.

ທ່ານ ເຈເຣມີ ອັນແລ ຜູ້ອໍານວຍການໃຫຍ່ເຊີເຄິນ ຜູ້ໃຫ້ບໍລິການຄຣິບໂທເຄີເຣນຊີ ໃນອາເມຣິກາ ກ່າວວ່າ: ການປ່ອຍສະກຸນເງິນດິຈິຕອລຂອງຈີນ ມີປະໂຫຍດຫຼາຍຢ່າງກັບຈີນ, ແຕ່ປະໂຫຍດທີ່ຫຼາຍທີ່ສຸດຄືການເປີດໂອກາດໃຫ້ເງິນຢວນແຜ່ຂະຫຍາຍໄປທົ່ວໂລກ ແລະ ຖືເປັນຈຸດເລີ່ມຕົ້ນຂອງການສ້າງຄວາມເປັນສາກົນໃຫ້ກັບສະກຸນເງິນ ເຊິ່ງສອດຄ່ອງກັບຄວາມພະຍາຍາມຊຸກຍູ້ໃຫ້ຕ່າງປະເທດຫັນມາໃຊ້ສະກຸນເງິນຢວນຫຼາຍຂຶ້ນ.

ທ່ານ ມູ່ ຊາງຊຸນ ຮອງຜູ້ອໍານວຍການຝ່າຍການຊໍາລະເງິນຂອງທະນະຄານກາງຈີນ ກ່າວວ່າ: ສະກຸນເງິນດິຈິຕອລຂອງຈີນ ຈະມີຄວາມຄ້າຍຄືກັບສະກຸນເງິນລິບຣາ ຂອງເຟສບຸ໊ກ ແລະ ຍັງມີ ຄວາມປອດໄພໃນລະດັບດຽວກັນກັບທະນະບັດເງິນຢວນ ທີ່ອອກໂດຍທະນາຄານກາງຈີນ ແຕ່ສິ່ງທີ່ສະດວກສະບາຍຫຼາຍຂຶ້ນຄືສະກຸນເງິນດິຈິຕອລຈະສາມາດໃຊ້ໄດ້ໃນແພຼັດຟອມຕ່າງໆ ເຊັ່ນ: ວີແຊັດ ແລະ ໃຊ້ໄດ້ເຖິງວ່າຈະບໍ່ມີອິນເຕີເນັດກໍຕາມ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ