ນັບແຕ່ພາຍຸໝູນເຂດຮ້ອນໄດ້ພັດຜ່ານເຂດພາກກາງ ແລະ ພາກໃຕ້ຂອງ ສປປ ລາວ ສົ່ງຜົນໃຫ້ຫຼາຍພື້ນທີ່ມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ເກີດມີນໍ້າຖ້ວມຂັງ, ຖ້ວມຊຸ ແລະ ໄຫຼແຮງເຂົ້າຖ້ວມບ້ານເຮືອນ, ໄຮ່ນາຮົ້ວສວນ, ຖະຫົນຫົນທາງຫຼາຍສາຍຖືກຕັດຂາດ ເຮັດໃຫ້ການສັນຈອນໄປ-ມາຂອງພໍ່ແມ່ປະຊາຊົນຫຍຸ້ງຍາກລຳບາກ, ຂະນະທີ່ ເມືອງ ມຸນລະປາໂມກ ໂດຍສະເພາະ ບ້ານເວີນແຄນ ກຸ່ມໄຄ່ດຽວ ແລະ ບ້ານລວງໂຊ້ ກໍ່ໄດ້ຮັບຜົນກະທົບຈາກໄພນໍ້າຖ້ວມເຊັ່ນກັນ ເຮັດໃຫ້ເສັ້ນທາງລະຫວ່າງບ້ານຕໍ່ບ້ານຖືກຕັດຂາດ ບໍ່ສາມາດຜ່ານໄດ້.
ສະນັ້ນ, ມາໃນວັນທີ 11 ກັນຍາ 2019 ຜ່ານມານີ້, ພາຍຫຼັງນໍ້າບົກແຫ້ງ ທ່ານ ພິດສະຫົງ ພົມມະວົງສາ ຮອງເຈົ້າເມືອງໆມຸນລະປາໂມກ, ທ່ານ ນາງ ລຳພອນ ພົມມະລີວັນ ປະທານຊີ້ນຳກຸ່ມເວີນແຄນ ແລະ ພະນັກງານຈາກຫ້ອງການໂຍທາທິການ ແລະ ຂົນສົ່ງ ພ້ອມດ້ວຍປະຊາຊົນສອງບ້ານຄືບ້ານເວີນແຄນ (ຄຸ້ມໄຄ້ດ່ຽວ) ບ້ານລວງໂຊ້ ໄດ້ຮ່ວມແຮງກັນສ້ອມແປງສຸກເສີນເສັ້ນທາງ ທີ່ຖືກຕັດຂາດຂາດ ລະ ຫ່ວາງບ້ານໄຄ້ດ່ຽວ-ບ້ານລວງໂຊ້ ເພື່ອໃຫ້ການສັນຈອນໄປ-ມາມີຂອງພໍ່ແມ່ປະຊາຊົນ ມີຄວາມສະດວກສະບາຍກວ່າເກົ່າ.