ພີ່ນ້ອງຊາວລາວທາງພາກໃຕ້ກຳລັງປະສົບໄພພິບັດຢ່າງຮ້າຍແຮງ ເຊິ່ງມີຄວາມຕ້ອງການຄວາມຊ່ວຍເຫຼືອ ແລະກຳລັງໃຈຈາກສັງຄົມຫຼາຍໃນຕອນນີ້, ດ້ວຍຄວາມເປັນຫ່ວງເປັນໃຍຊີວິດການເປັນຢູ່ຂອງປະຊາຊົນ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີໄດ້ບິນດ່ວນລົງປາກເຊ ເພື່ອຕິດຕາມຜົນກະທົບຕົວຈິີງ ແລະນຳເຄື່ອງຊ່ວຍເຫຼືອຈຳນວນໜຶ່ງໄປຊ່ວຍໃນເບື້ອງຕົ້ນ.
ໂດຍທ່ານ ຮອງນາຍົກ ໄດ້ລົງເຖິງນະຄອນປາກເຊໃນເວລາ 11:40 ໂມງ ຂອງວັນທີ 5/9/2019 ນີ້, ທັນທີທີ່ໄປຮອດ ທ່ານໄດ້ລົງພື້ນທີ່ເຄື່ອນໄຫວຢ້ຽມຢາມ ພ້ອມທັງມອບເຄື່ອງຊ່ວຍເຫຼືອປະປາຊົນບ້ານໂພນສະອາດ, ບ້ານແກ ແລະ ບ້ານແກ້ວສຳພັນ ນະຄອນປາກເຊ ທີ່ໄດ້ຮັບຜົນກະທົບຈາກໄພນ້ຳຖ້ວມ ເຊິ່ງຍົກຍ້າຍມາອາໄສຢູ່ໂຮງຮຽນ ມ.ຕົ້ນແກ້ວສໍາພັນ.