ເພງ “ ຢາກ…ເດ່ ” ຜົນງານເພງທຳອິດຂອງ ໜຸ່ມເປັນເອກ ເທບບຸດດາ - Laoedaily

ເພງ “ ຢາກ…ເດ່ ” ຜົນງານເພງທຳອິດຂອງ ໜຸ່ມເປັນເອກ ເທບບຸດດາ

ຫຼັງຈາກໄດ້ລາງວັນຊະນະເລີດຈາກໂຄງການ ລັດຟ້າພາສ້າງຝັນ ຄັ້ງທີ 1 ໜຸ່ມເອກ ກໍໄດ້ເຂົ້າສັງກັດໃນຄ້າຍເພງ ທີເຄ ຊາວລາວ ແລະ ໄດ້ຜະລິດຜົນງານເພງທໍາອິດອອກມາໃຫ້ໄດ້ຟັງໃນຊື່ເພງ “ ຢາກ…ເດ່ ” ຖືວ່າເປັນປະສົບການທໍາອິດໃນການເປັນນັກຮ້ອງ.

ທ້າວ ສຸກພະຈັນ ພິມໂວຫານ ຫຼື ເປັນເອກ ເທບບຸດດາ ໃຫ້ສໍາພາດວ່າ: ຫຼັງຈາກໄດ້ຮັບລາງວັນທາງຄ້າຍເພງ ທີເຄ ຊາວລາວ ໄດ້ເອົາເຂົ້າໃນສັງກັດເພື່ອຕໍ່ຍອດຄວາມຝັນໃນການສ້າງຜົນງານເພງເປັນຂອງຕົນເອງ ແລະ ອອກຮັບໃຊ້ມວນຊົນ ເຊິ່ງໄດ້ອອກຜົນງານເພງທໍາອິດ “ ຢາກ…ເດ່ ” ແຕ່ງໂດຍ: ຕຸ້ຍ ໄຊສຸພັດ ແລະ ທໍານອງໂດຍ: ອາຈານ ບຸນຖົມ ພັນທະມາລີ.

ເພງ “ ຢາກ…ເດ່ ” ເນື້ອໃນຄວາມໝາຍເວົ້າກ່ຽວກັບຜູ້ຊາຍຄົນໜຶ່ງທີ່ໜ້າຕາບໍ່ດີ, ເປັນໂສດມາດົນ, ເຫັນໃຜຫຼາຍຄົນມີຄູ່ຕົນເອງກໍຢາກໄດ້ໃຜຄົນໜຶ່ງມາເປັນຄົນຮູ້ໃຈເບິ່ງແຍງຕົນເອງ ເຊິ່ງຜູ້ຍິງຄົນນັ້ນບໍ່ຈໍາເປັນຕ້ອງໜ້າຕາດີແຕ່ຂໍໃຫ້ຈິງໃຈ ແລະ ມີຄວາມຮັກທີ່ດີໃຫ້ກັນເທົ່ານີ້ກໍພໍແລ້ວ ຈຶ່ງເປັນທີ່ມາຂອງຄໍາວ່າ    “ ຢາກ…ເດ່ ” ຄືຢາກໄດ້ແຟນເດ່.

ສໍາລັບໃຜທີ່ມີຄວາມຝັນຢາກເປັນນັກຮ້ອງທໍາອິດຕ້ອງມີໃຈຮັກມັກໃນວົງການຮ້ອງເພງຢ່າງແທ້ຈິງ ເພາະຖ້າເຮົາມີຄວາມຕັ້ງໃຈ ແລະ ມຸ່ງໝັ້ນແລ້ວຈະຕ້ອງປະຕິບັດເດີນຕາມຫາຄວາມຝັນ ເພື່ອສະແດງໃຫ້ສັງຄົມຮັບຮູ້ວ່າເຮົາສາມາດເປັນນັກຮ້ອງໄດ້ຄວາມຝັນຂອງເຮົາກໍຈະເປັນຈິງ.

ຂໍຝາກຜົນງານທໍາອິດເພງ “ ຢາກ…ເດ່ ” ໃນຊ່ອງທາງຢູທູບ TK soun dlao Soundlao ແລະ ສາມາດຕິດຕາມຂໍ້ມູນ – ຂ່າວສານຂອງ ເປັນເອກ ໄດ້ທີ່ເຟສບຸ໊ກສ່ວນຕົວ: ເອກ ເທບບຸດດາ.

( ຂ່າວ: ນຸ້ມນິ້ມ, ຮູບ: ເອກ )

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ