ຈີນ ເລັ່ງອອກສະກຸນເງິນດິຈິຕອລຫຼັງກຽມມາ 5 ປີ - Laoedaily

ຈີນ ເລັ່ງອອກສະກຸນເງິນດິຈິຕອລຫຼັງກຽມມາ 5 ປີ

ທະນາຄານກາງຈີນ ກຽມອອກສະກຸນເງິນດິຈິຕອລ ຄຣິບໂຕ ເຄີເຣນຊີ ຫວັງຊ່ວຍເພີ່ມກະແສໝູນວຽນເງິນຢວນ.

ທ່ານ ມູ່ ຊາງຊຸນ ຮອງຜູ້ອໍານວຍການຝ່າຍການຊໍາລະເງິນຂອງທະນາຄານກາງຈີນ ກ່າວວ່າ: ທະນາຄານກາງຈີນ ໃກ້ທີ່ຈະອອກສະກຸນເງິນດິຈິຕອລຂອງທະນາຄານກາງເອງ ຫຼັງຈາກທີ່ໄດ້ມີການກະກຽມມາເປັນເວລາ 5 ປີ.

ຮອງຜູ້ອໍານວຍການຝ່າຍການຊໍາລະເງິນຂອງທະນາຄານກາງຈີນ ກ່າວຕື່ມວ່າ: ສະກຸນເງິນດິຈິຕອລດັ່ງກ່າວຈະຊ່ວຍເພີ່ມກະແສໝູນວຽນຂອງເງິນຢວນທັງພາຍໃນ ແລະ ຕ່າງປະເທດ.

ໂດຍທະນາຄານກາງຈີນ ຈະເປີດນໍາໃຊ້ສະກຸນເງິນດິຈິຕອລຜ່ານ 2 ລະບົບ ເຊິ່ງທະນາຄານກາງຈີນ ແລະ ທະນາຄານ      ເອກະຊົນ ຕ່າງກໍສາມາດອອກສະກຸນເງິນດິຈິຕອລດັ່ງກ່າວໄດ້ຢ່າງຖືກຕ້ອງຕາມກົດໝາຍ.

ນອກຈາກທະນາຄານກາງຈີນແລ້ວ ຍັງມີລາຍງານວ່າທະນາຄານຊູແອັດ ກໍເປັນອີກທະນາຄານໜຶ່ງທີ່ມີຄວາມສົນໃຈໃນການອອກສະກຸນເງິນດິຈິຕອລເຊັ່ນກັນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ