ຍິນດີນນໍາ ໄຕບ້ານ production ໄດ້ຮັບລາງວັນ ສຸວັນນະກາຍສື່ມວນຊົນສ້າງສັນດີເດັ່ນ - Laoedaily

ຍິນດີນນໍາ ໄຕບ້ານ production ໄດ້ຮັບລາງວັນ ສຸວັນນະກາຍສື່ມວນຊົນສ້າງສັນດີເດັ່ນ

ປັດຈຸບັນໄວລຸ້ນ ຫຼື ໄວໜຸ່ມສາວລາວ ມີຄວາມສາມາດໃນຫຼາຍດ້ານທີ່ແຕກຕ່າງກັນ ໂດຍສະເພາະໃນຍຸກໂລກສື່ອອນລາຍທີ່ເຂົ້າມາມີອິດທິພົນ ໄວລຸ້ນສ່ວນໜຶ່ງໄດ້ຫັດຜະລິດ ສ້າງຄລິບ ຖ່າຍຮູບ ສ້າງຜົນງານທາງດ້ານແນວຄິດ ຄວາມບັນເທີງ ເລື່ອງລາວຕ່າງໆຜ່ານໂລກອອນລາຍທີ່ມີຄົນຮູ້ຈັກກັນຫຼາຍ, ໄວ ແລະ ກໍມີຫຼາຍໆກຸ່ມທີ່ສ້າງຕົນເອງຂຶ້ນມາເປັນທີ່ຮັບຮູ້ກັນທົ່ວສັງຄົມ ຄືກຸ່ມ ໄຕບ້ານ production ທີ່ຫາກໍໄປຮັບລາງວັນສື່ມວນຊົນສ້າງສັນດີເດັ່ນ ຈາກປະເທດໄທມາໃນວັນທີ 4 ສິງຫາ 2019.

ຂໍສະແດງຄວາມຍິນດີນໍາເດີ້ທີມງານ ໄຕບ້ານ production ທີ່ໄດ້ຮັບລາງວັນສຸວັນນະກາຍ ສາຂາ ສື່ມວນຊົນສ້າງສັນດີເດັ່ນ ໃນໂຄງການ ບຸກຄົນຕົ້ນແບບຄວາມດີ ແລະ ຄວາມສໍາເລັດ ແຫ່ງປະເທດໄທ ປະຈໍາປີ 2019 ຈາກການຄັດເລືອກຂອງຄະນະຮັບຜິດຊອບຈັດງານດັ່ງກ່າວ.

ຕາມການໃຫ້ສໍາພາດ ອານຸລັກ ລໍມະນີຈັນ ອາຍຸ 23 ປີ ເປັນຜູ້ກໍາກັບ ແລະ ຜູ້ຂຽນບົດທີມງານ ໄຕບ້ານ production ບອກວ່າ: ທີມງານທັງໝົດແມ່ນມີ 20 ປາຍຄົນ ເຊິ່ງໄດ້ຮ່ວມກັນສ້າງ ແລະ ຜະລິດຄລີບວິດີໂອຫຼາຍໆຮູບແບບນໍາກັນ ໂດຍທຸກຄົນລະດົມຄວາມຄິດ ປະສົບການອ້ອມຂ້າງຖ່າຍທອດອອກມາເປັນເລື່ອງລາວຕ່າງໆດັ່ງທີ່ທຸກຄົນໄດ້ເຫັນທາງເພ໌ຈ ຢູທູບຂອງພວກເຮົາ ແລະ ພວກເຮົາດີໃຈ ພູມໃຈຫຼາຍທີ່ໄດ້ຮັບລາງວັນນີ້.

ສໍາລັບລາງວັນ ທີ່ໄດ້ຮັບຖືເປັນສິ່ງຢັ້ງຢືນເຖິງຄວາມສຳເລັດອີກບາດກ້າວ ແລະ ເປັນແຮງກຳລັງໃຈໃຫ້ກັບທີມງານໃນການສ້າງສັນ ພັດທະນາຜົນງານແບບໃຫມ່ໆອອກມາເລື້ອຍໆ ເປັນລາງວັນທີ່ຊີ້ໃຫ້ເຮົາເຫັນວ່າ ເຮົາຄວນເຮັດ ແລະ ພັດທະນາກ້າວຕໍ່ໄປໃນດ້ານນີ້ສໍາລັບບ້ານເຮົາ.

ທາງຜູ້ກຳກັບຍັງບອກອີກວ່າ: ໃນອະນາຄົດທາງທີມງານ ຈະພະຍາຍາມສ້າງສິ່ງແປກໃຫມ່ ຫລາຍໆຮູບແບບ ທີ່ຄົນລາວບໍ່ຄ່ອຍໄດ້ເຫັນອອກສູ່ສາຍຕາມວນຊົນໃຫ້ຫຼາຍຂຶ້ນ, ສ່ວທີ່ຜ່ານມາເປັນພຽງຄລິບສັ້ນໆເປັນການທົດສອບຜົນງານຂອງທີມເທົ່ານັ້ນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ