ອຸຕຸເຕືອນ! ພາກເໜືອ-ພາກກາງ ກຽມຮັບມືກັບຝົນຕົກໜັກ ຈາກພາຍຸວິພາ (Wipha) - Laoedaily

ອຸຕຸເຕືອນ! ພາກເໜືອ-ພາກກາງ ກຽມຮັບມືກັບຝົນຕົກໜັກ ຈາກພາຍຸວິພາ (Wipha)

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງເຕືອນ ພາຍຸໜູນເຂດຮ້ອນ ສະບັບທີ 1ວ່າ: ໃນໄລຍະວັນທີ 31 ກໍລະກົດ ຫາ 4 ສິງຫາ 2019 ພາຍຸໜູນເຂດຮ້ອນ ວິພາ (Wipha) ຫົວທີ 7 ປະຈໍາປີ 2019 ເຊິ່ງໃນເວລາຕອນເຊົ້າຂອງວັນທີ 31 ກໍລະກົດ 2019 ມີຈຸດສູນກາງຢູ່ເສັ້ນຂະໜານທີ 19.1 ອົງສາເໜືອ ແລະ ເສັ້ນແວງທີ 113.1 ອົງສາຕາເວັນອອກ ພວມເຄື່ອນທີ່ໄປທາງທິດຕາເວັນຕົກ-ຕາເວັນຕົກສ່ຽງເໜືອດ້ວຍຄວາມໄວ 15 ກິໂລແມັດ/ຊົ່ວໂມງ.

 

ในภาพอาจจะมี ท้องฟ้า, บ้าน และสถานที่กลางแจ้ง

 

ຈາກນັ້ນ, ພາຍຸຫົວນີ້ ຈະເຄື່ອນທີ່ຜ່ານເກາະໄຮໜານ ແລະ ຈະມີທ່າອ່ຽງເຄື່ອນທີ່ເຂົ້າຝັ່ງທາງພາກເໜືອຂອງປະເທດ ສສ ຫວຽດນາມ ໃນໄລຍະວັນທີ 1 ຫາ 2 ສິງຫາ 2019ນີ້. ຈາກທ່າອ່ຽງຂອງການເຄື່ອນທີ່ຂອງພາຍຸຫົວນີ້ ໃນໄລຍະວັນທີ 3 ຫາ 5 ສິງຫາ 2019 ຈະເຮັດໃຫ້ລົມມໍລະສຸມຕາເວັນຕົກສ່ຽງໃຕ້ ມີກຳລັງແຮງເພີ່ມຂຶ້ນພັດປົກຄຸມຢູ່ພາກເໜືອ ແລະ ພາກກາງຂອງປະເທດລາວ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາປານກາງເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນແຂວງແຂວງພາກເໜືອລົງຫາພາກກາງ ແລະ ພາກໃຕ້.

 

ในภาพอาจจะมี บ้าน, ท้องฟ้า และสถานที่กลางแจ้ง

 

ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງ ຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊຍະບູລີ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ນັບທັງນະຄອນຫຼວງວຽງຈັນ, ສາລະວັນ, ເຊກອງ, ຈຳປາສັກ ແລະ ອັດຕະປື ໃຫ້ມີສະຕິຕໍ່ສະພາບຝົນຕົກໜັກ ແລະ ລົມພັດແຮງ, ນໍ້າຖ້ວມ, ນໍ້າຖ້ວມຊຸ, ຖ້ວມອັ່ງ ແລະ ສຳລັບຜູ້ທີ່ຈະເດີນທາງໄປທາງພາກເໜືອໃຫ້ມີສະຕິລະມັດລະວັງຕໍ່ສະພາບດິນເຈື່ອນ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ ແລະ ເປັນປະຈຳ.

 

ในภาพอาจจะมี หนึ่งคนขึ้นไป, ผู้คนกำลังนั่ง, รถมอเตอร์ไซค์ และสถานที่กลางแจ้ง

 

 

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ