ເດືອນ 6 ລາວບັນລຸຕົວເລກການຄ້າ 800 ກວ່າລ້ານໂດລາ - Laoedaily

ເດືອນ 6 ລາວບັນລຸຕົວເລກການຄ້າ 800 ກວ່າລ້ານໂດລາ

ມູນຄ່າການນໍາເຂົ້າ ແລະ ສົ່ງອອກ ຂອງສປປ ລາວ ປະຈຳເດືອນມິຖຸນາ ປີ 2019 ບັນລຸໄດ້ 814,99 ລ້ານໂດລາສະຫະລັດ ໃນນັ້ນ, ມູນຄ່າການສົ່ງອອກປະມານ 366,72 ລ້ານໂດລາສະຫະລັດ (ຍັງບໍ່ກວມເອົາການສົ່ງອອກໄຟຟ້າ)  ນໍາເຂົ້າປະມານ 448,27 ລ້ານໂດລາສະຫະລັດ, ໂດຍໃນເດືອນມິຖຸນາ ລາວຍັງຂາດດຸນການຄ້າປະມານ 81,55 ລ້ານໂດລາສະຫາລັດ.

 

ເປັນພາບປະກອບຂ່າວ

 

ໃນນີ້, ສິນຄ້າສົ່ງອອກຫຼັກຂອງ ສປປ ລາວ ເຮົາປະກອບມີ: ແຮ່ທອງ 48,42 ລ້ານໂດລາສະຫະລັດ, ທອງແດງ ແລະ ເຄື່ອງຂອງທີ່ເຮັດດ້ວຍທອງແດງ 35,52 ລ້ານໂດລາ, ໝາກກ້ວຍ 10,99 ລ້ານໂດລາ, ເຫຍື່ອໄມ້ ແລະ ເຫຍື່ອໄມ້ຈາກເສັ້ນໄຍເຊລລູອື່ນໆ 30,94 ລ້ານໂດລາ, ​ໂຄງຮ່າງ ແລະ ຊີ້ນສ່ວນກ້ອງບັນທຶກພາບ 19,95 ລ້ານໂດລາ, ເຄື່ອງດື່ມ (ນໍ້າອັດລົມ, ນໍ້າ, ເຄື່ອງດື່ມຊູກໍາລັງ) 22,32 ລ້ານ ໂດລາ, ຄໍາປະສົມ ແລະ ຄໍາແທ່ງ 15,61 ລ້ານ ໂດລາ, ມັນຕົ້ນ 2,39 ລ້ານ ໂດລາ, ເຄື່ອງນຸ່ງຫົ່ມ 18,18 ລ້ານ ໂດລາ, ເຄື່ອງໄຟຟ້າ ແລະ ອຸປະກອນໄຟຟ້າ 15,11 ລ້ານ ໂດລາ ແລະ ກາເຟ (ບໍ່ທັນປຸງແຕ່ງ) 5,95 ລ້ານໂດລາ ແລະ ສິນຄ້າອື່ນໆ

 

ในภาพอาจจะมี ท้องฟ้า, ต้นไม้, กลางคืน และสถานที่กลางแจ้ง

ເປັນພາບປະກອບຂ່າວ

 

ສ່ວນໝວດສິນຄ້ານໍາເຂົ້າຫຼັກປະກອບມີ: ພາຫະນະທາງບົກ ນໍາເຂົ້າໃນມູນຄ່າ 31,60 ລ້ານໂດລາ, ເຄື່ອງໄຟຟ້າ ແລະ ອຸປະກອນໄຟຟ້າ 19,97 ລ້ານໂດລາ,​ ນໍ້າມັນກາຊວນ 45,45 ລ້ານໂດລາ, ອຸປະກອນກົນຈັກ 36,21 ລ້ານໂດລາ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ 33,02 ລ້ານໂດລາ, ເຄື່ອງດື່ມຊະນິດຕ່າງໆ 21,06 ລ້ານໂດລາ, ຊີ້ນສ່ວນອາໄຫລ່ລົດ 14,79 ລ້ານໂດລາ, ນໍ້າມັນແອັດຊັງ 11,62 ລ້ານໂດລາ, ເຫຼັກເສັ້ນ ແລະ ເຫຼັກຮູບປະພັນ 10,12 ລ້ານໂດລາ, ໄຟຟ້າ 10,18 ລ້ານໂດລາ ແລະ ອື່ນໆ.

 

ในภาพอาจจะมี ท้องฟ้า, เมฆ และสถานที่กลางแจ้ง

ເປັນພາບປະກອບຂ່າວ

 

ສຳລັບ ປະເທດປາຍທາງທີ່ມີການສັ່ງຊື້ສິນຄ້າຈາກລາວມີ: ຣາຊະອານາໄທ 91,24 ລ້ານໂດລາ,​ ສປ ຈີນ127,48 ລ້ານໂດລາ, ສສ ຫວຽນນາມ 93,90 ລ້ານໂດລາ, ອິນເດຍ 8,60 ລ້ານໂດລາ, ຍີ່ປຸ່ນ 6,92 ລ້ານໂດລາ, ເຢຍລະມັນ 6,48 ລ້ານໂດລາ, ສ ອາເມລິກາ 2,50 ລ້ານໂດລາ, ອັງກິດ 2,17 ລ້ານໂດລາ,​ ແລະ ສິວິດເຊີແລນ 6,72 ລ້ານໂດລາສະຫະລັດ.

 

ເປັນພາບປະກອບຂ່າວ

 

ສ່ວນປະເທດຕົ້ນທາງທີ່ ສປປ ລາວ ນໍາເຂົ້າສິນຄ້າສ່ວນໃຫຍ່ແມ່ນມາຈາກ ຣາຊະອານາຈັກໄທ 262,97 ລ້ານໂດລາ, ສປ ຈີນ 100,95 ລ້ານໂດລາ, ສສ ຫວຽດນາມ 51,50 ລ້ານໂດລາ, ຍີ່ປຸ່ນ 5,32 ລ້ານໂດລາ, ສ ເກົາຫຼີ 5,20 ລ້ານໂດລາ, ສ ອາເມລິກາ 2,24 ລ້ານ ໂດລາ,​ ແລະ ແບນຊິກ 2,02 ລ້ານໂດລາ, ອິນເດຍ 2,59 ລ້ານໂດລະ, ຮົງກົງ ຈີນ 2,73 ລ້ານໂດລາສະຫະລັດ.

 

ในภาพอาจจะมี ท้องฟ้า, รถไฟ และสถานที่กลางแจ้ง

ເປັນພາບປະກອບຂ່າວ

 

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ