ເທັກນິກ ປູກຜັກຂະແບບງ່າຍໆ ແຕ່ໃຫ້ຍອດດົກຂາຍໄດ້ຕະຫຼອດປີ - Laoedaily

ເທັກນິກ ປູກຜັກຂະແບບງ່າຍໆ ແຕ່ໃຫ້ຍອດດົກຂາຍໄດ້ຕະຫຼອດປີ

ຜັກຂະ ຫຼື ຜັກເນົ່າ ເປັນຜັກພື້ນບ້ານທີ່ຄົນນິຍົມຊື້ມາຮັບປະທານ ທັງນີ້, ຜັກຂະຍັງເປັນພືດທີ່ປູກງ່າຍ ບໍ່ວ່າຈະປູກໄວ້ຮັບປະທານເອງ ຫຼື ປູກໄວ້ຂາຍກໍ່ໄດ້ ເພາະເປັນພືດຜັກທີ່ຕະຫຼາດຕ້ອງການ ແລະ ຄົນສ່ວນໃຫຍ່ກໍ່ນິຍົມຊື້ກັນຫຼາຍ. ສະນັ້ນ, ມື້ນີ້ເຮົາມີເທັກນິກການປູກຜັກຂະໃຫ້ງາມ ແຖມມີຍອດດົກຂາຍຕະຫຼອດປີ ມາຝາກທ່ານຜູ້ອ່ານ ເຊິ່ງຈະມີແນວໃດໄປອ່ານເລີຍ!!

 

ในภาพอาจจะมี ต้นพืช, ต้นไม้, สถานที่กลางแจ้ง และธรรมชาติ

 

ວິທີປູກ: ໄລຍະເວລາທີ່ເໝາະສົມທີ່ສຸດ ສຳລັບການປູກຜັກຂະ (ຜັກເນົ່າ) ກໍ່ຄືຊ່ວງປາຍເດືອນເມສາ ເຊິ່ງເປັນຊ່ວງເລີ່ມຕົ້ນລະດູຝົນ.

ການກຽມຂຸມປູກ ແມ່ນຂຸດຂຸມຂະໜາດເລິກປະມານ 15 ຊັງຕີແມັດ, ກວ້າງ 15 ຊັງຕີແມັດ, ຮອງດ້ວຍປຸ໋ຍຊີວະພາບ ຫຼື ປຸ໋ຍຮອງພື້ນກໍ່ໄດ້, ປູກໃຫ້ຕົ້ນຫ່າງກັນປະມານ 1 ແມັດ. ຫຼັງຈາກປູກສຳເລັດແລ້ວໃຫ້ນຳເອົາວັດສະດຸເປັນຕົ້ນແມ່ນ: ເຟືອງແຫ້ງ, ຂີ້ແຄບມາປົກບໍລິເວນຕົ້ນ ເພື່ອຮັກສາຄວາມຊື່ນໄວ້.

 

ในภาพอาจจะมี ต้นพืช, ต้นไม้, สถานที่กลางแจ้ง และธรรมชาติ

 

ເມື່ອຫົດນໍ້າໃສ່ປຸ໋ຍ ອາຍຸໄດ້ 3 ເດືອນ ຜັກຂະຈະມີຄວາມສູງປະມານ 2 ແມັດ. ຊ່ວງນີ້ຫ້າມເດັດຍອດຂອງມັນເດັດຂາດ ເພາະຖ້າຫາກເດັດຍອດອອກແລ້ວ ຜັກຂະຈະແຕກຍອດຂະແໜງອອກສູງເກີນໄປ ຈະເຮັດໃຫ້ເຮົາເກັບຜົນຜະລິດບໍ່ສະດວກ, ເມື່ອຍອດຂະແໜງຈະສູງຈະສູງເທົ່າກັບຕົ້ນເດີມຂອງມັນ ໃຫ້ເຮັດການໂນ້ມກິ່ງຂອງຕົ້ນໄປຍັງອີກຕົ້ນທີ່ຢູ່ໃກ້ຄຽງ ໂດຍໃຊ້ຕອກ ຫຼື ເຊືອກມັດກິ່ງຕິດກັນ.

 

ในภาพอาจจะมี ต้นพืช

 

ພາຍຫຼັງທີ່ຜັກຂະໃຫ້ຜົນຜະລິດໄດ້ຫຼາຍແລ້ວ ຈາກນັ້ນ, ໃຫ້ເຮັດສາວຕົ້ນຜັກຂະ (ຄືການເຮັດໃຫ້ຍອດແຕກອອກມາໃໝ່ ແບບບໍ່ຕ້ອງປູກໃໝ່ອີກ) ແມ່ນໃຫ້ໃຊ້ປຸ໋ຍສູດ 46-0-0 ໂດຍນໍາເອົາປຸ໋ຍແຊ່ໃນນໍ້າລະດັບພໍດີ ຫຼັງຈາກນັ້ນຕອງເອົາແຕ່ນໍ້າປຸ໋ຍ ສີດພົ່ນໃສ່ໃບເຮັດໃຫ້ໃບຜັກຂະຫຼົ່ນ ໂດຍສີດພົ່ນຕອນແລງໆ ເມື່ອຕື່ນເຊົ້າຂຶ້ນມາ ຜັກຂະຈະມີສີດຳ ຈົນຮອດມື້ທີ 3 ໃບຜັກຂະຂະຫຼົ່ນອອກຈາກຕົ້ນຈົນໝົດ ແລ້ວວປະໃຫ້ຕົ້ນຜັກຂະໂດຍບໍ່ໃຫ້ຫົດນໍ້າໄວ້ 1 ມື້ ຫຼັງຈາກນັ້ນ, ຈຶ່ງໃຫ້ພົ່ນດ້ວຍນໍ້າສະອາດ ເພື່ອຊ່ວຍໃຫ້ຕົ້ນຜັກຂະອອກຍອດໃໝ່ທີ່ດົກ ແລະ ຂາຍຕະຫຼອດປີ.

 

ในภาพอาจจะมี อาหาร

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ