ແພັດ ເພັດດາວອນ ໄດ້ຮັບລາງວັນເງົາສຽງລຸລາ ໃນລາຍການກິ໊ກດູດວນເພງເງິນລ້ານ - Laoedaily

ແພັດ ເພັດດາວອນ ໄດ້ຮັບລາງວັນເງົາສຽງລຸລາ ໃນລາຍການກິ໊ກດູດວນເພງເງິນລ້ານ

ຈາກທີ່ກ່ອນໜ້ານີ້ ສາວ ແພັດ ເພັດດາວອນ ກຸນລາວົງ ເຄີຍໂຄເວີເພງຂອງ ສາວ ລຸລາ ນັກຮ້ອງໄທ ເພງ ເລື່ອງທີ່ຂໍ ແລະໄດ້ຖືກໂພສລົງເພກໜຶ່ງຂອງໄທ ຖືກແຟນໆແຊ ກົດໄລ໊ກັນຢ່າງຫຼວງຫຼາຍ ແລະ ຕ່າງກໍບອກວ່າສຽງ ແພັດ ມ່ວນຄືກັບ ລຸລາ ຫຼ້າສຸດ ສາວ ແພັດ ໄດ້ໄປຮ່ວມໃນລາຍການ ກິ໊ກດູດວນເພງເງິນລ້ານ ຊ່ອງ 36 (ຊ່ອງ 7) ໄທ ທີ່ອອກອາກາດທຸກໆ ວັນຄານ ເວລາ 20.15 ສາວແພັດນັກຮ້ອງສຽງອໍາມະຕະຂອງລາວທີ່ໃຜກໍຮູ້ຈັກດີ ກໍໄດ້ໄປຮ້ອງເປະກວດໃນເງົາສຽງຂອງ ລຸລາ ນັກຮ້ອງໄທ ແລະ ໄດ້ຮັບລາງວັນເງົາສຽງລຸລາ ພ້ອມ ດີໃຈນໍາເດີ້ ໄປຟັງນໍາກັນເລີຍວ່າຄືສໍ່າໃດ.

ແພັດ ເພັດດາວອນ ກຸນລາວົງ ເປັນສາວຈາກແດນໃຕ້ ເມືອງປາກເຊ ແຂວງຈໍາປາສັກ ຮ້ອງເພງປະຈໍາຢູ່ທີ່ຮ້ານຕໍາມົ້ວ ແລະ ໂດ່ງດັງໃນການປະກວດໃນລາຍການສຶກວັນດວນເພງຂອງປະເທດໄທ ເມື່ອປີ 2018 ຄວ້າແຊັ້ມ 21 ສະໄໝ ເປັນຄົນລາວຄົນທໍາອິດ ນັບແຕ່ນັ້ນມາກໍໄດ້ໄປປະກວດໃນລາຍການສຶກວັນດວນເພງຊິງແຊັມ, ສຶກວັນດວນເພງສົງຄາມແຊັມ ແລະ ອື່ນໆ ເຮັດໃຫ້ເປັນທີ່ຮູ້ກັນກັນທັງຄົນລາວ ແລະ ຄົນໄທທີ່ຕິດຕາມຜົນງານການເຄື່ອນໄຫວຂອງສາວແພັດມາໂດຍຕະຫຼອດ ແລະ ສາວ ແພັດກໍຄົງມີການເຄື່ອນໄຫວ ແລະ ຜົນງານມາໃຫ້ແຟນໆໄດ້ຕິດຕາມຊົມ ແລະ ເຊຍກັນແບບນີ້ເລື້ອຍໆຢ່າງແນ່ນອນ.

ຄຣິບກ່ອນໜ້ານີ້ທີ່ ແພັດ ຮ້ອງໄວ້ ເພງ ເລື່ອງທີ່ຂໍ ຂອງລຸລາ

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ