ມາຕິດຕາມຜົນງານຂອງນັກຮ້ອງສາວສຽງດີມີເອກກະລັກໂຕແມ່ອີກຄົນ ສາວ ອາລູນ້າ ທີ່ເພິ່ນກໍາລັງກຽມຜະລິດຜົນງານເພງໃໝ່ທີ່ມີຊື່ວ່າ “ໄຮ້ດຽງສາ” ພ້ອມກັບໃຫ້ແຟນໆ ໄດ້ຮ່ວມລຸ້ນວ່າໃຜຈະເປັນຄົນທີ່ມາຮ້ອງຮ່ວມນໍາ ລະຫວ່າງ ໂອລ້າ ແບັກອາຍ ຫຼື ຕ່າຍ ອາກາດ ທີ່ແຟນໆຕ່າງກໍບອກວ່າ ໃຜກໍໄດ້ ເພາະທັງສອງເປັນນັກຮ້ອງດັງສຽງຄຸນນະພາບຢູ່ແລ້ວ …
ແລະ ຫຼ້າສຸດສາວອາລູນ້າ ກໍໄດ້ອອກມາໂພສວ່າ “ກຽມຕິດຕາມຟັງ ແລະຊົມໄດ້ເລີຍວ່າເພງຈະມ່ວນສໍ່າໃດ ແລະ ໃຜຈະມາຮ້ອງຮ່ວມນໍາ ໃນວັນທີ 14 ກໍລະກົດນີ້”
ອາລູ້ນ້າ ເປັນນັກຮ້ອງສິນລະປິນທີ່ມີຊື່ສຽງໂດ່ງດັງໃນຫຼາຍໆຜົນງານເພງເຊັ່ນ: ທຸກ 5 ນາທີ, ຄວາມຮູ້ສຶກບອກ, ເຫດໃດ, ເສຍດາຍ, ລະດູການທີ່ບໍ່ມີເຈົ້າ ແລະ ຜົນງານອື່ນໆທີ່ຍັງຄຸ້ນຫູທຸກທ່ານຢູ່ …
