ຕົ້ນໄມ້ ນັບເປັນສິ່ງທີ່ມີຊີວິດທີ່ໃຫ້ຄວາມຮົ່ມເຢັນ, ສວຍງາມ ມີປະໂຫຍດຫຼາຍໆຢ່າງກັບເຮົາ ແຕ່ລະເຮືອນຕ້ອງມີຕົ້ນໄມ້ໃຫຍ່ນ້ອຍ ລວມໄປເຖິງດອກໄມ້ຕ່າງໆ ຕາມຄວາມມັກຮັກ ແລະ ພື້ນທີ່ເຮືອນນັ້ນໆ ແຕ່ທ່ານຮູ້ບໍ່ວ່າຕົ້ນໄມ້ ແລະ ດອກໄມ້ທີ່ເຮົາປູກນັ້ນມີຄວາມໝາຍ ແລະ ມີຜົນທາງໂຊກລາບການເງິນຂອງເຮົາພ້ອມ ຕາມຄວາມເຊື່ອນີ້ຕົ້ນໄມ້ມຸງຄຸນ ທີ່ທ່ານຄວນປູກໄວ້ໃນຮົ້ວເຮືອນທ່ານ ເພື່ອເອີ້ນໂຊກລາບຫາກຍັງບໍ່ມີກໍຫາມາປູກເດີ້ …
1 ຕົ້ນສັກ ເຊື່ອວ່າປູກໄວ້ ຈະເຮັດໃຫ້ຄົນພາຍໃນເຮືອນນັ້ນມີກຽດສັກສີ
2 ຕົ້ນດອກຄູນ ຈະຊ່ວຍໃຫ້ຜູ້ປູກ ແລະ ຄົນພາຍໃນເຮືອນນັ້ນ ຈະເລີນຮຸ່ງເຮືອງ ຄວນປູກໄວ້ທິດຕາເວັນຕົກສຽງໃຕ້ ຂອງເຮືອນ.
3 ຕົ້ນໝາກຂາມ ແນະນໍາໃຫ້ປູກໄວ້ທາງທິດຕາເວັນຕົກ ຈະເຮັດໃຫ້ຄົນພາຍໃນບ້ານເປັນທີ່ເຄົາລົບ ເຮັດໃຫ້ເປັນທີ່ຮັກຂອງຄົນອື່ນ.
4 ຕົ້ນໝາກມ່ວງ ຈະເຮັດໃຫ້ຜູ້ອາໄສຢູ່ເຮືອນນັ້ນ ຮັ່ງມີຍິ່ງຂຶ້ນ ຄວນປູກໄວ້ທາງທິດໃຕ້ຂອງເຮືອນ
5 ຕົ້ນໝາກມີ້ ຈະເຮັດໃຫ້ໄດ້ຮັບການອຸປະຖໍາ ອຸດໜຸນ ສົ່ງເສີມຕະຫຼອດ
6 ຕົ້ນໝາກຍົມ ເຊື່ອວ່າປູກແລ້ວຈະມີຄົນນິຍົມ ຊື່ນຊົມເຮົາຫຼາຍ
7 ຕົ້ນໄຜ່ ຈະເຮັດໃຫ້ຄົນພາຍໃນເຮືອນສາມັກຄີປອງດອງກັນ ປະກອບອາຊີບດ້ວຍຄວາມສຸດຈະລິດ ຍຸດຕິທໍາ.
8 ຕົ້ນກ້ວຍ ຈະຊ່ວຍເຮັດໃຫ້ວຽກງານເປັນໄປດ້ວຍດີ ປູກໄວ້ທາງທິດຕາເວັນອອກຂອງເຮືອນ
9 ດອກກ້ວຍໄມ້ ຈະເຮັດໃຫ້ຄົນພາຍໃນເຮືອນມີຈາລິຍະທໍາ ເໝາະກັບຜູ້ທີ່ມີຈິດໃຈອ່ອນໂຍນ
10 ຕົ້ນວາດສະໜາ ເຊື່ອກັນວ່າຈະເຮັດໃຫ້ມີແຕ່ໂຊກລາບ ດັ່ງທີ່ປາດຖະໜາ
11 ຕົ້ນເງິນຕົ້ນຄໍາ ເປັນຕົ້ນໄມ້ມຸງຄຸນ ຈະເສີມສ້າງຄວາມເປັນສິລິມຸງຄຸນແກ່ຄົນພາຍໃນເຮືອນ.
12 ຕົ້ນນາງກວັກ ຈະເຮັດໃຫ້ເງິນຄໍາໄຫຼມາເທມາ ຄ້າຂາຍດີ ມີກໍາໄລຫຼາຍ
13 ຕົ້ນດອກເຂັມ ຈະມີຄວາມສະຫຼາດຫຼັກແຫຼມ ຄືກັບດອກເຂັມ ຈະເຮັດໃຫ້ສະໝອງປອດໂປ່ງ
14 ຕົ້ນດອກມະລິ ຈະເຮັດໃຫ້ຄົນໃນບ້ານມີຄວາມບໍລິສຸດ ເປັນທີ່ຮັກ ແລະ ຄິດຮອດແກ່ບຸກຄົນອື່ນສະເໝີ.
15 ຕົ້ນດອກ 3 ພັນປີ ຈະເຮັດໃຫ້ຄົນໃນເຮືອນອາຍຸໝັ້ນຂວັນຍືນ ທົນທານ ແລະ ບໍ່ທໍ້ແທ້ຕໍ່ອຸປະສັກໃດ
16 ຕົ້ນກວນອິມ ເຊື່ອກັນວ່າເມື່ອປູກໄວ້ ຈະເຮດໃຫ້ອິ່ມເງິນ ອິ່ມຄໍາ ເສີມຄວາມເປັນສິລິມຸງຄຸນໃຫ້ກັບຄົນພາຍໃນເຮືອນນັ້ນໆ
17 ຕົ້ນດອກເສດຖີ ຈະເຮັດໃຫ້ມີເງິນມີຄໍາໃຊ້ຈ່າຍ ໂຊກລາບຕ່າງເຂົ້າມາຢູ່ຕະຫຼອດ.
