“ສຽງແຄນ ສີພັນດອນ” ຊຸດປະຈໍາຊາດລາວ ໃນການປະກວດ Mister National Universe 2019

35

ໝຸນວຽນມາອີກຄັ້ງ ກັບການປະກວດຊາຍໜຸ່ມ ກັບເວທີ ມິສເຕີອິນເຕີເນຊັນແນວຍູນິເວີສ 2019 Mister National Universe 2019 ທີ່ປີນີ້ໄດ້ ໜຸ່ມ ບີ້ ໄຊຍະສິດ ສຸລິຍະເຕັນ ອາຍຸ 31 ປີ, ເປັນຕົວແທນປະເທດລາວເຂົ້າຮ່ວມການປະກວດ.

ການປະກວດ Mister National Universe 2019 ຈະເລີ່ມພິທີທາງການຂຶ້ນ ໃນວັນທີ 1 ກໍລະກົດ 2019 ທີ່ຈັງຫວັດຫົວຫິນ ປະເທດໄທ ເຊິ່ງປັດຈຸບັນ ບີ້ ກໍໄດ້ເດີນທາງໄປເກັບຕົວກັບອີກຊາຍໜຸ່ມອີກ 17 ປະເທດເປັນທີ່ຮຽບຮ້ອຍ.

ການປະກວດໃນຄັ້ງນີ້ ໜຸ່ມບີ້ ຈະສວມໃສ່ຊຸດ “ສຽງແຄນ ສີພັນດອນ” ຫຼື “ມະຫານະທີແດນຈໍາປາ” ເປັນຊຸດປະຈໍາຊາດລາວເຂົ້າຮ່ວມການປະກວດ ຊົມຄວາມງາມຂອງຊຸດນີ້ກັນເລີຍ.

ຊຸດ: “ສຽງແຄນ ສີພັນດອນ” ອອກແບບໂດຍ ບຸນມີ ແກ້ວບົວ ຈາກ TS Modeling (ຕຸ້ຍ ໂມເດິລິງ) ໄດ້ແຮງບັນດານໃຈ ເພື່ອຢາກໃຫ້ຊາວໂລກໄດ້ເຫັນເຖິງວິຖີ ຊີວິດ ຄວາມອຸດົມຮັ່ງມີທາງດ້ານຊັບໃນດີນສິນໃນນ້ຳຂອງປະຊາຊົນລາວ ທີ່ມີແມ່ນ້ຳໃຫຍ່ໄຫລຜ່ານປະເທດລາວ ແລະ ປະຊາຊົນສ່ວນໃຫຍ່ໄດ້ອາໄສແມ່ນ້ຳເພື່ອທຳມາຫາກິນ.