ກະຊວງ ຮສສ ປະກາດການຈັດຕັ້ງ​ ຫົວໜ້າຫ້ອງການ ຄຊກລ ແລະ ອຳນວຍການ ຄກລ ຄົນໃຫມ່​

79

ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ໃນໄລຍະໃໝ່ ແລະ ຍາວນານທີ່ພັກ-ລັດ ກໍຄຶການສາ້ງສາ ແລະ ພັດທະນາປະເທດຊາດ ໃຫ້ເຂັ້ມແຂງ, ໂດຍສະເພາະວຽກງານການກວດກູ້ລະເບີດທີ່ບ່ໍທັນແຕກຕົກຄ້າງໃນ ສປປ ລາວໃຫ້ໝົດໄປ. ກະຊວງ​ແຮ​ງ​ງານ ​ແລະ ສະຫວັດດີ​ການ​ສັງຄົມ(ຮສສ) ​ໄດ້​ຈັດພິທີ ປະກາດ​ການ​ແຕ່ງ​ຕັ້ງ​ຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ແລະ ອໍານວຍການ ໂຄງການເກັບກູ້ລະເບີດແຫ່ງຊາດ(ຄກລ) ຄົນໃຫມ່​ ​ພິທີດັ່ງກ່າວໄດ້​ຈັດ​ຂຶ້ນ​ໃນ​ວັນ​ທີ 14 ມິຖຸນາ 2019 ທີ່ ຫ້ອງປະຊຸມ​ໃຫຍ່​ຫ້ອງການກອງທຶນປະກັນສັງຄົມແຫ່ງຊາດ, ​ໂດຍ​ໃຫ້​ກຽດ​ເຂົ້າ​ຮ່ວມ​ເປັນ​ປະທານຂອງ​ທ່ານ ຄຳຂານ ພິນສະຫວັນ ຄະນະປະຈຳ, ຫົວໜ້າກົມຈັດຕັ້ງ ແລະ ພະນັກງານ ກະຊວງ​ ຮສສ, ມີບັນດາຄະນະ​ກົມ, ຄະນະ​ພະ​ແນ​ກ, ພ້ອມ​ດ້ວຍພະນັກງານ​ຈາກ​ ຄຊກລ ແລະ ຄກລ, ບັນດາພະນັກງານວິຊາການທີ່ກ່ຽວຂ້ອງອ້ອມ​ຂ້າງ​ກະຊວງ ຮສສ ​ເຂົ້າ​ຮ່ວມ​ຢ່າງພ້ອມພຽງ.

ໃນ​ພິທີ ທ່ານ ພົງທະວີ ໂຄດໂຍທາ ຮອງຫົວໜ້າກົມຈັດຕັ້ງ ແລະ ພະນັກງານ, ​ໄດ້​ຂຶ້ນ​ອ່ານ​ຜ່ານ ຂໍ້ຕົກລົງຂອງລັດຖະມົນຕີ, ປະທານຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ວ່າ​ດ້ວຍ​ການແຕ່ງຕັ້ງຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ສະບັບ​ເລກທີ 69/ ຮສສ.ຄຊກລ, ລົງ​ວັນ​ທີ 30/05/ 2019 ໂດຍແຕ່ງຕັ້ງທ່ານ ໂຈມແຍງ ແພງທອງສະຫວັດ ຮອງຫົວໜ້າກົມແຜນການ ແລະ ການຮ່ວມມືສາກົນ ໄປຮັບໜ້າທີ່ໃຫມ່ ຂຶ້ນເປັນຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ຄົນໃຫມ່.

​ແລະ ຂໍ້ຕົກລົງຂອງລັດຖະມົນຕີ, ປະທານຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ວ່າ​ດ້ວຍ​ການແຕ່ງຕັ້ງ ອຳນວຍການໂຄງການເກັບກູ້ລະເບີດແຫ່ງຊາດ, ສະບັບ​ເລກທີ 68/ ຮສສ.ຄຊກລ, ລົງ​ວັນ​ທີ 30/05/ 2019 ໂດຍແຕ່ງຕັ້ງທ່ານ ບຸນພະມິດ ໂສມວິຈິດ ຮອງຫົວໜ້າຫ້ອງການ ຄຊກລ ໄປຮັບໜ້າທີ່ໃຫມ່ຂຶ້ນເປັນ ອໍານວຍການໂຄງການເກັບກູ້ລະເບີດແຫ່ງຊາດ.

​ໃນ​ໂອກາດ​ນີ້ ທ່ານ ຄຳຂານ ພິນສະຫວັນ ຍັງໄດ້​ໃຫ້​ກຽດ​ໂອ້ລົມ, ເຊິ່ງທ່ານ​ກໍ່​ໄດ້​ສະແດງຄວາມຊົມ​ເຊີຍ ​ ທັງສອງສະຫາຍ ທີ່ໄດ້​ມາ​ຮັບ​ໜ້າທີ່​ຕຳແໜງໃໝ່ ່​, ​ໂດຍໄດ້ເນັ້ນ​ໃຫ້ການ​ຊີ້ນຳ​ນຳພາ ວຽກ​ງານ​ແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ແລະ ວຽກງານການເກັບກູ້ລະເບີດແຫ່ງຊາດ ໂດຍສະເພາະ ວຽກງານການຮ່ວມຶກັບສາກົນ, ອົງການຈັດຕັ້ງທາງສັງຄົມ ໃຫ້ມີ​ຄວາມ​ໜັກ​ແໜ້ນ​ເຂັ້ມ​ແຂງ​ຂຶ້ນ​ຕື່ມ.

​(ຄຳເມິງ ນັກ​ຂ່າວ​ກະຊວງ ຮສສ ລາຍ​ງານ)
( ກວດແກ້: ເພັດສະໄໝ )