ຈີນ - ສະຫະຣາຊະອານາຈັກໃຫ້ຄໍາໝັ້ນຮ່ວມມື ເສັ້ນທາງສາຍໄໝ ແໜ້ນແຟ້ນ - Laoedaily

ຈີນ – ສະຫະຣາຊະອານາຈັກໃຫ້ຄໍາໝັ້ນຮ່ວມມື ເສັ້ນທາງສາຍໄໝ ແໜ້ນແຟ້ນ

ສໍານັກຂ່າວຕ່າງປະເທດລາຍງານຈາກນະຄອນຫຼວງລອນດອນ ປະເທດສະຫະຣາຊະອານາຈັກ ເມື່ອວັນຈັນທີ 17 ມິຖຸນາ ຜ່ານມາ ວ່າ ຈີນ ແລະ ສະຫະຣາຊະອານາຈັກໄດ້ຮ່ວມກັນຈັດການຫາລືດ້ານເສດຖະກິດ ແລະ ການເງິນ ຈີນ-ສະຫະຣາຊະອານາຈັກ ຄັ້ງທີ່ 10 (China-UK Economic and Financial Dialogue ) ທີ່ນະຄອນຫຼວງລອນດອນ ໂດຍໃຫ້ຄໍາໝັ້ນໃຈວ່າ ຈະເສີມສ້າງຄວາມຮ່ວມມືຕາມແຜນລິເລິ່ມໜຶ່ງແລວໜຶ່ງເສັ້ນທາງ (Belt and Road Initiative) ແລະ ສະໜັບສະໜຸນລະບົບເສດຖະກິດແບບພະຫຸພາຄີ.

ในภาพอาจจะมี 2 คน, สถานที่ในร่ม

ທ່ານຫູຊຸນຫົວ ຮອງນາຍົກລັດຖະມົນຕີຈີນ ແລະ ທ່ານຟິລິບ ແຮມມອນ ລັດຖະມົນຕີວ່າການກະຊວງການເງິນສະຫະຣາຊະອານາຈັກ ຮ່ວມເປັນປະທານຮ່ວມໃນການຫາລືຄັ້ງນີ້ ໂດຍໄດ້ຫາລືກັນໃນຫຼາກຫຼາຍປະເດັນ ຕັ້ງແຕ່ເລື່ອງເສດຖະສາດມະຫະພາກ ແລະ ການກໍາກັບດູແລເສດຖະກິດໂລກ, ການຄ້າ ແລະ ການລົງທຶນ ຄວາມຮ່ວມມືໃນໂຄງການຂະໜາດໃຫຍ່ ເພື່ອການປະຕິຮູບທາງການເງິນໄປຈົນເຖິງການພັດທະນາຕະຫຼາດການເງິນ ແລະ ຄວາມຮ່ວມມືດ້ານໃໝ່ໆ.

ທັງສອງຝ່າຍຮ່ວມເຈລະຈາຈົນໄດ້ຜົນສະຫຼຸບທີ່ກໍ່ໃຫ້ເກີດປະໂຫຍດຮ່ວມກັນກວ່າ 69 ເລື່ອງ ພ້ອມທັງ ຮ່ວມລົງນາມໃນເອກະສານກ່ຽວກັບຄວາມຮ່ວມມືການຕະຫຼາດຝ່າຍທີ່ສາມ (third-party market cooperation) ບໍລິການທາງການເງິນ ແລະ ອື່ນໆອີກຫຼາຍດ້ານ.

ในภาพอาจจะมี 8 คน, คนที่ยิ้ม, ผู้คนกำลังนั่ง, ตาราง และสถานที่ในร่ม

ທັງນີ້ ທ່ານຫູຊຸນຫົວໄດ້ຂໍໃຫ້ທັງສອງປະເທດ ປະຕິບັດຕາມຂໍ້ຕົກລົງທີ່ໄດ້ບັນລຸຮ່ວມກັນ ລະຫວ່າງຜູ້ນໍາທັງສອງຝ່າຍສົ່ງເສີມຄວາມຮ່ວມມືຫຼາຍຂຶ້ນ ໃນແຜນ ບີອາໄອ ປະສານນະໂຍບາຍທາງເສດຖະກິດລະດັບມະຫະພາກຢ່າງໃກ້ຊິດ ແລະ ຂະຫຍາຍຄວາມຮ່ວມມືດ້ານການຄ້າ ແລະ ການລົງທຶນ.

“ຈີນກັບສະຫະຣາຊະອານາຈັກ ຄວນສົ່ງເສີມໃຫ້ເກີດຜົນງານໃໝ່ໆ ໃນຄວາມຮ່ວມມືດ້ານການເງິນ ແລະ ພັດທະນາການກໍາກັບດູແລເສດຖະກິດໂລກ ເພື່ອເພິ່ມແຮງຊຸກດັນໃໝ່ໆ ໃຫ້ກັບຄວາມສໍາພັນທະວີພາຄີ ນີ້” ທ່ານຫູ ກ່າວ.

ในภาพอาจจะมี 5 คน, ผู้คนกำลังนั่ง, ตาราง และสถานที่ในร่ม

ດ້ານ ທ່ານແຮມມອນ ໄດ້ກ່າວຊື່ນຊົມຄວາມສໍາພັນອັນຮຸ່ງເຮືອງ ລະຫວ່າງສອງປະເທດ ຕັ້ງແຕ່ການຫາລືດ້ານເສດຖະກິດ ແລະ ການເງິນຄັ້ງທໍາອິດ ໂດຍລະບຸວ່າ ສະຫະຣາຊະອານາຈັກມີຂໍ້ໄດ້ປຽບທີ່ໂດດເດັ່ນກວ່າປະເທດອື່ນຈາກແຜນບີອາໄອ ແລະ ພ້ອມທີ່ຈະສົ່ງເສີມຄວາມຮ່ວມມືກັບຈີນ ໃນດ້ານການຄ້າການລົງທຶນ, ການເງິນ ແລະ ພະລັງງານ ພ້ອມຢໍ້າດ້ວຍວ່າ ສະຫະຣາຊະອານາຈັກຈະເຮັດວຽກຮ່ວມກັບຈີນ ເພື່ອປົກປ້ອງລະບົບພະຫຸພາຄີ ແລະ ລະບົບການຄ້າພະຫຸພາຄີ.

ຮູບຈາກ China Xinhua News

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ