ລັດຖະບານຈີນ ສົ່ງເອກະສານສອບສວນ ເຟດເອັກຊ໌ ຕໍ່ຂໍ້ສົງໄສສົ່ງວັດສະດຸຂອງຫົວເຫວີ່ຍຜິດປາຍທາງ

33

ໜ່ວຍງານໃນສັງກັດລັດຖະບານຈີນ ສົ່ງເອກະສານຢ່າງເປັນທາງການໄປເຖິງສໍານັກງານໃຫຍ່ຂອງເຟດເອັກຊ໌ໃນຈີນ ແຈ້ງເລື່ອງ “ການສອບສວນຢ່າງເປັນທາງການ” ກໍລະນີເຟດເອັກຊ໌ “ຜິດພາດ” ໃນການສົ່ງວັດສະດຸໃຫ້ກັບຫົວເຫວີ່ຍ ເມື່ອເດືອນພຶດສະພາ ຜ່ານມາ.

ສໍານັກຂ່າວຕ່າງປະເທດລາຍງານຈາກນະຄອນຫຼວງຈີນ ປະເທດຈີນ ເມື່ອວັນເສົາ ທີ 15 ມິຖຸນາ  ໂດຍອ້າງຈາກສໍານັກຂ່າວຊິນຫົວລາຍງານ ເມື່ອວັນສຸກ ທີ່ລັດຖະບານຈີນໄດ້ມອບໝາຍໃຫ້ “ໜ່ວຍງານທີ່ກ່ຽວຂ້ອງ” ສົ່ງເອກະສານໄປເຖິງສໍານັກງານໃຫຍ່ຂອງບໍລິສັດເຟດເອັກຊ໌ໃນຈີນ ເຊິ່ງຕັ້ງຢູ່ເມືອງຊຽງໄຮ້ ໂດຍແຈ້ງເລື່ອງການເລິ່ມສອບຖາມຢ່າງເປັນທາງການຕໍ່ກໍລະນີທີ່ເຟດເອັກຊ໌ບໍ່ສາມາດຈັດສົ່ງວັດສະດຸໄດ້ຢ່າງຖືກຕ້ອງຕາມຂະບວນການ ໂດຍບໍ່ໄດ້ມີການລະບຸວ່າ ໜ່ວຍງານທີ່ຈະເຮັດການກວດສອບເລື່ອງນີ້ ຄືໜ່ວຍງານໃດ.

ในภาพอาจจะมี 1 คน

ທັງນີ້ ບໍລິສັດເຟດເອັກຊ໌ຂອງສະຫະລັດ ເຊິ່ງມີສໍານັກງານໃຫຍ່ຢູ່ເມືອງແນຊວິລລ໌ ໃນລັດເທນເນສຊີ ອອກຖະແຫຼງການ ເມື່ອທ້າຍເດືອນພຶດສະພາ ກ່າວຂໍໂທດຢ່າງສູງໂດຍກົງໄປເຖິງບໍລິສັດຫົວເຫວີ່ຍຕໍ່  “ຄວາມຜິດພາດ” ໃນການຈັດສົ່ງວັດສະດຸທັງ 4 ຫໍ່ຂອງບໍລິສັດ “ທີ່ຜິດເສັ້ນທາງການຂົນສົ່ງ” ແລະ ຢືນຢັນວ່າ ເຟດເອັກຊ໌ ກໍາລັງເລັ່ງດໍາເນີນການຈັດສົ່ງວັດສະດຸ ທັງ 4 ຫໍ່ ໄປເຖິງປາຍທາງທີ່ຖືກຕ້ອງແລ້ວ ພ້ອມທັງຢືນຢັນວ່າ ບໍ່ມີ “ບຸກຄົນພາຍນອກ” ກ່ຽວຂ້ອງກັບເລື່ອງນີ້ ດ້ານບໍລິສັດຫົວເຫວີ່ຍປະຈໍາພາກພື້ນອາເມຣິກາ ອອກຖະແຫຼງການ “ໃຫ້ທົບທວນ” ຄວາມຮ່ວມມືທາງທຸລະກິດ ແລະ ຄວາມສໍາພັນກັບເຟດເອັກຊ໌.

ในภาพอาจจะมี สถานที่กลางแจ้ง

ຂະນະທີ່ກະຊວງການຄ້າຂອງຈີນ ປະກາດເມື່ອຕົ້ນເດືອນນີ້ ຈັດເຮັດລາຍຊື່ບໍລິສັດ ແລະ ບຸກຄົນຕ່າງຊາດທີ່ “ບໍ່ໜ້າເຊື່ອຖື” ຫຼື “ມີລັກສະນະເປັນໄພ” ຕໍ່ລັດຖະບານຈີນ ແລະ ຜູ້ປະກອບການໃນປະເທດ ແລະ ການມອບໝາຍໃຫ້ຄະນະກໍາມະການພິເສດ ຈັດເຮັດລະບົບທີ່ມີປະສິດທິພາບ ເພື່ອກວດສອບບໍລິສັດຕ່າງຊາດທີ່ມີວັດຖຸປະສົງທາງການຄ້າແອບແຝງຈະເປັນ “ໄພຕໍ່ຄວາມໝັ້ນຄົງ” ທາງເສດຖະກິດຂອງຈີນ ໂດຍຢືນຢັນວ່າ ລັດຖະບານຈີນບໍ່ໄດ້ເຈາະຈົງບໍລິສັດແຫ່ງໃດ ແລະ ຂອງປະເທດໂດຍກົງ ແຕ່ຄວາມເຄື່ອນໄຫວດັ່ງກ່າວ ເກີດຂຶ້ນລະຫວ່າງຂໍ້ພິພາດຢ່າງຮຸນແຮງ ລະຫວ່າງລັດຖະບານອາເມຣິກາ ກັບ ລັດຖະບານຈີນ ຈາກການດໍາເນີນວຽກງານຂອງຫົວເຫວີ່ຍທີ່ປັດຈຸບັນ ເປັນຜູ້ໃຫ້ບໍລິການດ້ານອຸປະກອນ ແລະ ລະບົບເຄືອຂ່າຍໂທລະຄົມມະນາຄົມລາຍໃຫຍ່ທີ່ສຸດຂອງໂລກ ແລະ ເປັນຜູ້ຜະລິດສະມາດໂຟນລາຍໃຫຍ່ ອັນດັບ 2 ຂອງໂລກ.