ລັດສ້າງກົດໝາຍໃໝ່ ວ່າດ້ວຍການຕອບໂຕ້ການທຸ້ມຕະຫຼາດ ແລະການຊ່ວຍໜູນຂອງປະເທດຜູ້ສົ່ງອອກ

36

 ກົດໝາຍໃໝ່ ວ່າດ້ວຍການຕອບໂຕ້ການທຸ້ມຕະຫຼາດ ແລະ ການຊ່ວຍໜູນຂອງປະເທດຜູ້ສົ່ງອອກ ສ້າງຂຶ້ນມາເພື່ອປົກປ້ອງຜູ້ຜະລິດພາຍໃນທີ່ໄດ້ຮັບຜົນກະທົບຈາກການແຂ່ງຂັນທີ່ບໍ່ເປັນທຳ ແນໃສ່ຮັບປະກັນໃຫ້ຜູ້ຜະລິດພາຍໃນສາມາດປັບປຸງໂຕເອງ, ມີຄວາມເຂັ້ມແຂງ, ເຕີບໃຫຍ່ຂະຫຍາຍຕົວ ແລະສາມາດແຂ່ງຂັນກັບສິນຄ້ານຳເຂົ້າປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ.

 

ในภาพอาจจะมี ท้องฟ้า, เมฆ และสถานที่กลางแจ้ง

ພາບປະກອບຂ່າວ

 

ທ່ານ ນາງເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ນຳເອົາກົດໝາຍວ່າ ດ້ວຍການຕອບໂຕ້ການທຸ້ມຕະຫຼາດ ແລະ ການຊ່ວຍໜູນຂອງປະເທດຜູ້ສົ່ງອອກ ສະເໜີຕໍ່ກອງປະຊຸມສະພາແຫ່ງຊາດໃນວັນທີ 14 ມິຖຸນາ 2019 ນີ້ ເພື່ອໃຫ້ສະມາຊິກສະພາແຫ່ງຊາດປະກອບຄຳຄິດເຫັນທີ່ເປັນປະໂຫຍດຕໍ່ກົດໝາຍດັ່ງກ່າວໃຫ້ມີເນື້ອໃນສົມບູນຍິ່ງຂຶ້ນ, ສາມາດຮັບຮອງ ແລະ ປະກາດນຳໃຊ້ໄດ້.

 

ในภาพอาจจะมี 1 คน, กำลังยืน, ดอกไม้ และชุดสูท

 

ຟັງຈາກຊື່ກົດໝາຍບາງຄົນອາດຍັງບໍ່ເຂົ້າໃຈແຈ້ງ ຄວາມຈິງແລ້ວການທຸ້ມຕະຫຼາດແມ່ນການສົ່ງອອກສິນຄ້າຈາກປະເທດຜູ້ສົ່ງອອກເຂົ້າໃນ ສປປ ລາວ ເພື່ອຜົນປະໂຫຍດທາງການການຄ້າ ເຊິ່ງມີລາຄາສົ່ງອອກຕ່ຳກວ່າລາຄາປົກກະຕິຂອງສິນຄ້າຄ້າຍຄືກັນທີ່ຈຳໜ່າຍພາຍໃນປະເທດຜູ້ສົ່ງອອກ.

 

ในภาพอาจจะมี 7 คน, ผู้คนกำลังนั่ง, ตาราง และสถานที่ในร่ม

 

ຈຸດປະສົງຂອງການທຸ້ມຕະຫຼາດແມ່ນເພື່ອກົດໜ່ວງລາຄາສິນຄ້າຂອງປະເທດຄູ່ຄ້າ ແລະ ເຮັດໃຫ້ຜູ້ຜະລິດສິນຄ້າພາຍໃນຂອງປະເທດຄູ່ຄ້າບໍ່ສາມາດແຂ່ງຂັນກັບສິນຄ້ານຳເຂົ້າໄດ້. ສະນັ້ນ, ໃນເງື່ອນໄຂການເຊື່ອມໂຍງເສດຖະກິດພາກພື້ນ ແລະ ສາກົນ ກໍ່ຄືການເປີດກວ້າງເສລີທາງການຄ້າ ແວດລ້ອມການໃນການດຳເນີນທຸລະກິດມີການແຂ່ງຂັນສູງຂຶ້ນ, ຜູ້ສົ່ງອອກ ຫຼື ລັດຖະບານຂອງປະເທດຜູ້ສົ່ງອອກອາດຈະໃຊ້ມາດຕະການສົ່ງເສີມການຄ້າ ທີ່ເຮັດໃຫ້ເກີດການແຂ່ງຂັນທີ່ບໍ່ເປັນທຳ ຈິ່ງຈຳເປັນຕ້ອງມີມາດຕະການຕອບໂຕ້ການທຸ່ມຕະຫຼາດ ແລະ ແນ່ນອນຕ້ອງມີກົດໝາຍເປັນເຄື່ອງມືເພື່ອບັງຄັບໃຊ້.

 

ในภาพอาจจะมี หนึ่งคนขึ้นไป, ผู้คนกำลังนั่ง, ตาราง และสถานที่ในร่ม

 

ສຳລັບຮ່າງກົດໝາຍການຕອບໂຕ້ການທຸ້ມຕະຫຼາດ ແລະ ການຊ່ວຍໜູນຂອງປະເທດຜູ້ສົ່ງອອກ ມີທັງໝົດ  9 ພາກ, 9 ໝວດ ແລະ 69 ມາດຕາ, ຫາກກົດໝາຍສະບັບນີ້ຖືກຮັບຮອງ ແລະ ປະກາດໃຊ້ຈະເຮັດໃຫ້ນັກລົງທຶນພາຍໃນ ແລະ ຕ່າງປະເທດມີຄວາມເຊື່ອໝັ້ນໃນການດຳເນີນການຜະລິດຢູ່ ສປປ ລາວ, ກົດໝາຍສະບັບນີ້ຈະເປັນບ່ອນອີງສຳຄັນ ເພື່ອຮັບປະກັນສິດຜົນປະໂຫຍດດ້ານເສດຖະກິດ-ສັງຄົມ ແລະ ການເຄື່ອນໄຫວທຸລະກິດໃນ ສປປ ລາວ ໃຫ້ມີຜະສິດທິພາບທາງດ້ານເສດຖະກິດ ແລະ ມີຄວາມສາມາດແຂ່ງຂັນກັບບັນດາປະເທດໃນພາກພື້ນ ແລະ ສາກົນພາຍໃຕ້ການປະຕິບັດກົດກະຕິກາການຄ້າລະຫວ່າງປະເທດ.

 

ในภาพอาจจะมี ท้องฟ้า และสถานที่กลางแจ้ง

ພາບປະກອບຂ່າວ