ນ້ອງນໍ້າຝົນ ເດັກຍິງຈາກນະຄອນຫຼວງວຽງຈັນ ຮ້ອງເພງໃນລາຍການໄມທອງຄໍາເດັກ (ໄທ)

35

ເປັນເລື່ອງໜ້າຍິນດີ ຕອນຮັບວັນເດັກນ້ອຍສາກົນ ເມື່ອເດັກຍິງ ນ້ອງ ນໍ້າຝົນ ຈັນທະວົງ ອາຍຸ 10 ປີ ຈາກ ນະຄອນຫຼວງວຽງຈັນ ໄດ້ໄປຮ່ວມປະກວດຮ້ອງເພງ ໃນລາຍການ ໄມທອງຄໍາເດັກ ຂອງປະເທດໄທ ອອກອາກາດໃນວັນທີ 25 ພຶດສະພາ 2019 ທາງຊ່ອງ 23 ໄທ.

ນ້ອງນໍ້າຝົນບອກວ່າ ການມາໃນຄັ້ງນີ້ແມ່ນຢາກມາຊິງເງິນລາງວັນ ເພື່ອໃຊ້ໜີ້ໃຫ້ກັບແມ່ຕູ້ ຮອບນີ້ຮ້ອງເພງລູກທົ່ງເພງ “ໂຄດເລວໃນດວງໃຈ” ຂອງຕັກແຕນ ບອກໄດ້ເລີຍວ່າຄວວາມສາມາດຂອງນ້ອງ ແມ່ນບໍ່ທໍາມະດາ ໄດ້ຄໍາຍ້ອງຍໍ ແລະ ຄໍາຕິຊົມທີ່ສາມາດນໍາໄປພັດທະນາສືບຕໍ່ຄວາມສາມາດໃນອານາຄົດ ໄດ້ 3 ຜ່ານຈາກຄະນະກໍາມະການໄປເລີຍ …

ແນວໃດກໍຕາມຝາກຕິດຕາມ ແລະ ໃຫ້ກໍາລັງໃຈ ນ້ອງນໍ້າຝົນໃນຮອບຕໍ່ໆໄປແນ່ເດີ້ ທາງຊ່ອງ ເວີກພ້ອຍ 23 ທຸກວັນເສົາ ເວລາ 20:15 ນາທີ.