ເຊັນສັນຍາຂອບການຮ່ວມມື ພັດທະນາໂຄງການທາງດ່ວນ ຈາກນະຄອນຫຼວງວຽງຈັນຫາຊາຍແດນລາວ-ຈີນ - Laoedaily

ເຊັນສັນຍາຂອບການຮ່ວມມື ພັດທະນາໂຄງການທາງດ່ວນ ຈາກນະຄອນຫຼວງວຽງຈັນຫາຊາຍແດນລາວ-ຈີນ

ຕາມຂ່າວ CRI: ວັນທີ 28 ພຶດສະພານີີ້, ທີ່ນະຄອນຫຼວງວຽງຈັນ ໄດ້ມີິພິທີເຊັນສັນຍາຂອບການຮ່ວມມືວ່າດ້ວຍໂຄງການພັດທະນາໂຄງການທາງດ່ວນ ຈາກນະຄອນຫຼວງວຽງຈັນຫາຊາຍແດນລາວ-ຈີນ (ດ່ານສາກົນບໍ່ເຕັນ-ບໍ່ຫານ) ລະຫວ່າງລັດຖະບານ ແຫ່ງ ສປປ ລາວ ຮ່ວມກັບ ກຸ່ມບໍລິສັດ ກໍ່ສ້າງ-ລົງທຶນ ແລະຖືຫຸ້ນແຂວງຢຸນນານ ຈຳກັດ. ເປັນກຽດເຂົ້າຮ່ວມ ໂດຍພະນະທ່ານ ສົມດີ ດວງດີ ຮອງນາຍົກລັດຖະມົນຕີ, ທ່ານ ຢ໋ວນເຊີນຟ່າ ເຈົ້າແຂວງ ແຂວງຢຸນນານ, ທ່ານ ຈຽງຈ້າຍຕົງ ເອກອັກຄະລັດຖະທູດ ສປ ຈີນ ປະຈຳ ສປປ ລາວ, ທ່ານ ເສີນເວີນຊານ ປະທານກຸ່ມບໍລິສັດ ກໍ່ສ້າງ-ລົງທຶນ ແລະຖືຫຸ້ນແຂວງຢຸນນານ ຈຳກັດ ພ້ອມດ້ວຍພະນັກງານທີ່ກ່ຽວຂ້ອງຂອງທັງສອງຝ່າຍ ແລະສືີ່ມວນຊົນເຂົ້າຮ່ວມ ເປັນສັກຂີພິຍານ.


ພິທີເຊັນຍາດັ່ງກ່າວ ເພື່ອເປັນການຈັດຕັ້ງປະຕິບັດຕາມ “ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳລາວ-ຈີນ ລະຫວ່າງພັກກອມມູນິດຈີນ ແລະ ພັກປະຊາຊົນປະຕິວັດລາວ” ແລະຊຸກຍູ້ການຈັດຕັ້ງປະຕິວັດ “ຂອງການຮ່ວມມືວ່າດ້ວຍການຮ່ວມກັນພັດທະນາແລວເສດຖະກິດ ລາວ-ຈີນ” ໂດຍຮ່າງຂອບການຮ່ວມມື ວ່າດ້ວຍການພັດທະນາໂຄງການທາງດ່ວນ ນະຄອນຫຼວງວຽງຈັນຫາຊາຍແດນລາວ-ຈີນ (ດ່ານສາກົນບໍ່ເຕັນ-ບໍ່ຫານ) ແນໃສ່ການຊຸກຍູ້ ສົ່ງເສີມການຮ່ວມມືເຊິ່ງກັນ ແລະກັນ ກ່ຽວກັບການສ້າງທາງດ່ວນຈາກນະຄອນຫຼວງວຽງຈັນຫາ ດ່ານສາກົນບໍ່ເຕັນໃນຮູບແບບ BOT.

ຫາກການກໍ່ສ້າງທາງດ່ວນນີ້ສຳເລັດ ການເດີນທາງຈາກນະຄອນຫຼວງວຽງຈັນຫາດ່ານສາກົນບໍ່ເຕັນຈະໃຊ້ເວລາພຽງແຕ່ 6 ຊົ່ວໂມງ ເຊິ່ງປະຢັດເວລາເຖິງ 14 ຊົ່ວໂມງ ຫາກປຽບໃສ່ປັດຈຸບັນນີ້, ສາມາດເດີນທາງຈາກນະຄອນຫຼວງວຽງຈັນຮອດເມືອງຄຸນໝິງ ແຂວງຢຸນນານໄດ້ພາຍໃນມື້ດຽວ ເຊິ່ງຈະເພີ່ມທະວີການຮ່ວມມືແລກປ່ຽນທາງດ້ານເສດຖະກິດ-ການຄ້າ ລະຫວ່າງລາວ-ຈີນ, ສົ່ງເສີມການພັດທະນາເສດຖະກິດ ສັງຄົມລາວບັນດາເຂດແຂວງພາກຕາເວັນຕົກສ່ຽງໃຕ້ຂອງຈີນໃຫ້ສະດວກສະບາຍຍິ່ງຂຶ້ນ.

ເວັບໄຊທ໌ ລັດຖະບານ
ເວັບໄຊທ໌ແນະນຳ
ເພຈ໌ແນະນຳ