ສະມາຄົມການເງິນຈຸລະພາກ ຮ່ວມກັບ ກົມສົ່ງເສີມວິສາຫະກິດຂະໜາດນ້ອຍ ແລະ ກາງ, ອົງການແຮງງານສາກົນ ພາຍໃຕ້ການສະໜັບສະໜູນທະນາຄານໂລກ ປະຈໍາລາວ ໄດ້ຈັດຝຶກອົບຮົມການວາງແຜນທຸລະກິດ ແລະ ການຄຸ້ມຄອງບໍລິຫານການເງິນ ເພື່ອເຂົ້າຫາແຫຼ່ງທຶນສໍາລັບທຸລະກິດຂະໜາດນ້ອຍ ແລະ ກາງ. ພາຍໃຕ້ການເປັນຄູຝຶກຂອງ ທ່ານ ນາງ ປະມວນ ເພັດທານີ ຜູ້ອໍານວຍການສະມາຄົມການເງິນຈຸລະພາກ ແລະ ສໍາມະນາກອນທີ່ຕາງໜ້າຈາກທຸລະກິດຂະໜາດນ້ອຍ ແລະ ກາງ ໃນຂະແໜງການຕ່າງໆເຂົ້າຮ່ວມທັງໝົດ 22 ທ່ານ.
ສໍາລັບສໍາມະນາກອນທີ່ເຂົ້າຮ່ວມຝຶກອົບຮົມໃນຄັ້ງນີ້ ໄດ້ຮຽນຮູ້ກ່ຽວກັບການຂຽນແຜນທຸລະກິດ; ແຜນການຕະຫຼາດ; ການດໍາເນີນງານຕ່າງໆ; ແຜນການຄຸ້ມຄອງບໍລິຫານ; ແຜນການເງິນ – ການບັນຊີ; ເຄື່ອງມືວິເຄາະໃນການບໍລິຫານການເງິນ; ບັນດາເງື່ອນໄຂຕ່າງໆໃນການກູ້ຢືມຈາກທະນາຄານສໍາລັບຫົວໜ່ວຍຈຸລະວິສາຫະກິດ ( MSME ) ເຊິ່ງການຝຶກອົບຮົມດັ່ງກ່າວ ຈັດຂຶ້ນເປັນເວລາ 3 ວັນ ໃນລະຫວ່າງວັນທີ 24 – 26 ພຶດສະພາ 2019 ທີ່ສະມາຄົມການເງິນຈຸລະພາກ ນະຄອນຫຼວງວຽງຈັນ.
[ ຂ່າວ – ຮູບ: ສົມສະຫວິນ ]
