ວັນທີ 24 ພຶດສະພານີ້, ທ່ານນາງເທເຣຊາ ເມ ນາຍົກລັດຖະມົນຕີອັງກິດໄດ້ປະກາດຢ່າງເປັນທາງການວ່າ: ຕົນຈະລາອອກຈາກຕຳແໜ່ງນາຍົກລັດຖະມົນຕີໃນວັນທີ 7 ມິຖຸນາຈະມາເຖິງ ແລະເລີ່ມເຂົ້າໄລຍະລັດຖະບານຮັກສາການ.
ການປະກາດລາອອກຂອງທ່ານນາງເທເຣຊາ ເມ ນາຍົກລັດຖະມົນຕີອັງກິດ ມີຂຶ້ນພາຍຫຼັງທີບໍ່ສາມາດເກ້ຍກ່ອມບັນດາສະມາຊິກລັດຖະສະພາສະໜັບສະໜູນຂໍ້ຕົກລົງອັງກິດ ຖອນຕົວອອກຈາກສະຫະພາບເອີລົບ (EU) ເຊິ່ງທ່ານນາງບັນລຸໄດ້ກັບ EU ໃນທ້າຍປີ 2018.
ວົງການການເມືອງອັງກິດເຫັນໂດຍທົ່ວໄປວ່າ, ໃນຂະນະທີ່ຂະບວນການຖອນອອກຈາກສະຫະພາບເອີຣົບຂອງອັງກິດຍັງບໍ່ມີຄວາມແນ່ນອນBrexit , ການລາອອກຈາກຕຳແໜ່ງຂອງທ່ານນາງເທເຣຊາ ເມ ຈະເຮັດໃຫ້ການແຂ່ງຂັນເລືອກຕັ້ງນາຍົກລັດຖະມົນຕີອັງກິດຜູ້ໃໝ່ດຸເດືອດຂຶ້ນ.
ປະເທດນີ້ຈະແຕ່ງຕັ້ງຜູ້ສືບທອດທ່ານນາງ Theresa May ຮັກສາຕຳແໜ່ງການນຳພັກນີ້ ແລະ ນາຍົກລັດຖະມົນຕີອັງກິດ ກ່ອນທີ່ສະພາແຫ່ງຊາດກ້າວເຂົ້າສູ່ໄລຍະພັກແລ້ງ ເຊິ່ງໄດ້ກຳນົດໃນວັນທີ 20 ກໍລະກົດ ຈະມາເຖິງ.
ວຽກງານສະເໜີລະຫວ່າງບັນດາສະມາຊິກລັດຖະສະພາຈະສິ້ນສຸດລົງໃນວັນທີ 10 ມິຖຸນາ, ຈາກນັ້ນ ສະມາຊິກຂອງພັກ ມີເວລາເພື່ອເລືອກເອົາໜຶ່ງໃນຈຳນວນຜູ້ອອກສະໝັກເລືອກຕັ້ງແຖວໜ້າ 2 ທ່ານເພື່ອປ່ຽນແທນທ່ານນາງ Theresa May ກ່ອນທີ່ສະພາແຫ່ງຊາດກ້າວເຂົ້າສູ່ໄລຍະພັກແລ້ງ.
