ຊົມເຊີຍ! “ປິງປອງ” ໝາຮີໂຣ່ ຊ່ວຍຊີວິດເດັກນ້ອຍທີ່ຖືກຝັງດິນທັງເປັນ

45

ຊາວບ້ານຫຼັ່ງໄຫຼໄປຍ້ອງຍໍຊົມເຊີຍ ໝາແສນຮູ້ຊື່ ປິງປອງ ສາຍພັນໄທ ຊ່ວຍຊີວິດເດັກນ້ອຍທີ່ຖືກຝັງດິນ ກາຍເປັນຮີໂຣ່ຂອງຄົນໃນໝູ່ບ້ານ.

ວັນທີ 16 ພຶດສະພາ 2019 ນັກຂ່າວໄດ້ລາຍງານວ່າ ຊາວບ້ານໃນຕໍາບົນທ່າລາດ ອໍາເພີຊຸມພວງ ຈັງຫວັດນະຄອນຣາຊະສີມາ ປະເທດໄທ ຕ່າງກໍ່ພາກັນໄປຍ້ອງຍໍຊົມເຊີຍ ປິງປອງ ໝາພັນໄທ ເພດຜູ້ສີດໍາອາຍຸ 6 ປີ ຫຼັງໄດ້ເຂົ້າຊ່ວຍເຫຼືອຊີວິດເດັກນ້ອຍທີ່ຖືກຜູ້ເປັນແມ່ນໍາມາຝັງດິນທັງເປັນ.

ສືບເນື່ອງມາຈາກ ເມື່ອວັນພຸດ ທີ 15 ພຶດສະພາ ເຈົ້າໜ້າທີ່ໂຮງໝໍຊຸມພວງ ໄດ້ຮັບຕົວເດັກນ້ອຍ ເພດຊາຍຜິວຂາວ ໜັກ 2,4 ກິໂລ ຈາກຊາວບ້ານ ໃນຕໍາບົນທ່າລາດ ອໍາເພີຊຸມພວງ ຈັງຫວັດນະຄອນຣາຊະສີມາ ຫຼັງຈາກ ທ້າວອຸສາ ນິໄສຄ້າ ອາຍຸ 41 ປີ ຢູ່ບ້ານໝູ່ 15 ບ້ານໜອງຂາມ ຕໍາບົນທ່າລາດ ອຳເພີຊຸມພວງ ເຊິ່ງເປັນຄົນລ້ຽງງົວ ໃນຂະນະທີ່ ພາງົວໄປກິນຫຍ້າບໍລິເວນໄຮ່ມັນຕົ້ນ ຫ່າງຈາກໝູ່ບ້ານ ປະມານ 1 ກິໂລແມັດ.

ในภาพอาจจะมี 1 คน, กำลังนั่ง, สุนัข และสถานที่กลางแจ้ง

ທ້າວອຸສາ ເລົ່າວ່າ ຂະນະກໍາລັງລ້ຽງງົວຢູ່ບໍລິເວນຕິດກັບໄຮ່ມັນຕົ້ນ ຕົນກໍ່ໄດ້ຍິນສຽງໝາເຫົ່າ ແລະ ໄດ້ຍິນສຽງເດັກໄຫ້ ຢູ່ໃນໄຮ່ມັນ ຈຶ່ງໄດ້ຍ່າງເຂົ້າໄປເບິ່ງ ກໍ່ເຫັນວ່າ ໝາກໍາລັງຂຸດເຂ່ຍກອງດິນຊາຍ ກໍ່ສັງເກດເຫັນຄືຂາເດັກນ້ອຍຊີ້ອອກມາ ຈຶ່ງໃຊ້ມືຂຸດຫອບເອົາດິນອອກ ພົບວ່າ ເປັນເດັກນ້ອຍ ແລະ ຍັງບໍ່ເສຍຊີວິດກໍ່ຮີບຟ້າວນໍາຕົວເດັກສົ່ງໂຮງໝໍຊຸມພວງ ຈົນເດັກປອດໄພ.

ในภาพอาจจะมี หนึ่งคนขึ้นไป และผู้คนกำลังหลับ

ໂດຍ ທ້າວອຸສາ ເລົ່າວ່າ ປິງປອງ ເປັນໝາທີ່ຕົນລ້ຽງມາດົນກວ່າ 6 ປີແລ້ວ ໂດຍເມື່ອປີ ທີ່ຜ່ານມາ ໝາໂຕນີ້ເຄີຍຖືກລົດຕໍາຈົນຂາມັນພິການ ແຕ່ຕົນກໍ່ຍັງລ້ຽງມັນໄວ້ ມັນເປັນໝານິໄສດີ ເຊື່ອຟັງເຈົ້າຂອງ ທັງມັກແລ່ນນໍາເຈົ້າຂອງອອກໄປລ້ຽງງົວຢູ່ເປັນປະຈໍາ ຈົນເປັນທີ່ຮັກຂອງຄົນໃນໝູ່ບ້ານ.

ເຖິງວ່າມັນຈະເປັນໝາພິການ ແຕ່ ປິງປອງ ກໍ່ຍັງແລ່ນນໍາເຈົ້າຂອງໄປລ້ຽງົວທຸກໆມື້ ຈົນຫຼ້າສຸດກໍ່ມາພົບເດັກນ້ອຍທີ່ຖືກຝັງດິນ ແລະ ສາມາດຊ່ວຍເຫຼືອຊີວິດໄວ້ໄດ້ ຖືວ່າເປັນສິ່ງທີ່ໜ້າເຫຼືອເຊື່ອ ແລະ ຄວນຍ້ອງຍໍຊົມເຊຍ ປິງປອງ ຢ່າງຫຼວງຫຼາຍ ເຊິ່ງຫຼ້າສຸດມັນກໍ່ກາຍເປັນຮີໂຣ່ຂອງຄົນໃນພື້ນທີ່ອໍາເພີຊຸມພວງ ຈັງຫວັດນະຄອນຣາຊະສີມາໄປແລ້ວ.

ຂໍ້ມູນຈາກ: workpointnews