ທາງການອິນເດຍສັ່ງອົບພະຍົບດ່ວນ ປະຊາຊົນກວ່າ 8 ແສນຄົນ ໜີພາຍຸໄຊໂຄລນຟານິ ເຊິ່ງຮຸນແຮງທີ່ສຸດ ໃນຮອບ 20 ປີ ຄາດວ່າ ຄວາມໄວຂອງພາຍຸສູງສຸດ 240 ກິໂລແມັດຕໍ່ຊົ່ວໂມງ ຈະພັດຜ່ານຂຶ້ນຝັ່ງທີ່ລັດໂອຣິສສາ ໃນໄລຍະຕອນເຊົ້າວັນວັນສຸກ ທີ 3 ພຶດສະພາ ນີ້ ຄາດວ່າ ເສັ້ນທາງລົມພາຍຸທີ່ພັດຜ່ານຈະສົ່ງຜົນກະທົບຕໍ່ປະຊາຊົນຫຼາຍເຖິງ 100 ລ້ານຄົນ ທາງພາກຕາເວັນອອກຂອງປະເທດ.
ເຊິ່ງຫຼ້າສຸດ ຫຼາຍລັດສັ່ງປິດສະທີ່ສຶກສາ ທັງໂຮງຮຽນ ແລະ ມະຫາວິທະຍາໄລ ລວມເຖິງທ່າເຮືອຫຼັກ 2 ແຫ່ງ ບໍລິເວນຊາຍຝັ່ງພາກຕາເວັນອອກ ລະຫວ່າງຄວາມວິຕົກກັງວົນວ່າ ພາຍຸຈະທຳລາຍບູຮານສະຖານ ແລະ ມໍລະດົກທາງວັດທະນະທຳ ໂດຍສະເພາະທີ່ເມືອງປູຣິ ທີ່ຕັ້ງຂອງບັດຮິນດູ ອາຍຸເກົ່າແກ່ກວ່າ 858 ປີ.
ຫຼາຍລັດປະກາດເຕືອນໄພລະດັບສູງ ພ້ອມເຕືອນໃຫ້ປະຊາຊົນກຽມຮັບມືກັບພາຍຸຝົນ ແລະ ລົມພັດແຮງ ເຊິ່ງຖືເປັນອິດທິພົນຈາກພາຍຸຫົວທີ 4 ທີ່ພັດຖະຫຼົ່ມເຂດຝັ່ງພາກຕາເວັນອອກຂອງອິນເດຍ ໃນໄລຍະກວ່າ 3 ທົດສະວັດ ທີ່ຜ່ານມາ.
