ປາຣີສ ປະກາດເປັນທາງການ ຄວ້າ ເນມາ ເສີມໜ້າ 222 ລ້ານເອີໂຣ ເຊັນ 5 ປີ ພ້ອມເສື້ອເບີ 10

ສະໂມສອນ ປາຣີສ ແຊັງແຊັກແມັງ ທີມມະຫາເສດຖີ ຂອງລີກ ເອິງ ປະເທດຝຣັ່ງ ປະກາດຢ່າງເປັນທາງການ ໃນການເຊັນສັນຍາ ມູນຄ່າ 222 ລ້ານເອີໂຣ ຊື້ ເນມາ ຈາກ ບາເຊໂລນາ ເປັນທີ່ຮຽບຮ້ອຍ.
ຫຼັງຈາກ ບາເຊໂລນາ ເປີດເຜີຍວ່າ ໄດ້ຮັບຄ່າຕັວ ຂອງເນມາ  ຈຳນວນ 222 ລ້ານເອີໂຣ ໃນວັນພະຫັດ ທີ 3 ສິງຫາ ທີ່ຜ່ານມາ ເຮັດໃຫ້ ກອງໜ້າຊາວບຣາຊິລ ກາຍເປັນກອງໜ້າ ຄົນໃໝ່ຂອງ ປາຣີສ ແຊັງແຊັກແມັງ ເຊິ່ງໄດ້ເຊັນສັນຍາ 5 ປີ ຮັບຄ່າເມື່ອຍສູງເຖິງ 782,000 ປອນຕໍ່ອາທິດ ໃສ່ເສື້ອເບີ 10.
ການຍ້າຍທີມຂອງ ເນມາ ຄັ້ງນີ້ ເຮັດໃຫ້ກອງໜ້າ ອາຍຸ 25 ປີ ກາຍເປັນນັກເຕະຄ່າຕົວແພງເປັນສະຖິຕິໂລກຄົນໃໝ່ແທນທີ່ ຂອງ ປອລ ປ໋ອກບາ ທີ່ຍ້າຍໄປ ແມນຢູ ໃນລະດູການທີ່ຜ່ານມາດ້ວຍຄ່າຕົວ 89 ລ້ານປອນ.
ສຳລັບ ປະຫວັດຂອງ ເນມາ ຕັ້ງແຕ່ເລິ່ມເຕະໃຫ້ທີມລະດັບສະໂມສອນທີ່ຜ່ານມາ
ເນມາ ດາ ຊິລວາ ຊານໂຕສ ຈູເນຍ ( Neymar da Silva Santos Júnior) ເກີດວັນທີ 5 ກຸມພາ 1992.
* ທີມລະດັບເຍົາວະຊົນ
1999-2003 ໂປຕຸເກສ ຊານຕີສຕາ Portuguesa Santista (ປ໊ອກຕຸຍການ)
2003-2009 ຊານໂຕສ Santos (ບຣາຊິລ)
* ທີມລະດັບອາຊີບ
2009-2013 ຊານໂຕສ Santos (ບຣາຊິລ)
2013-2017 ບາເຊໂລນາ Barcelona (ແອັດສະປາຍ)

%d bloggers like this: