ເອັສຣາ ຄັດໄດ້ແລ້ວ 41 ເຍົາວະຊົນ ເຂົ້າສູນຫວັງປັ້ນສູ່ທີມຊາດ

ສະໂມສອນ ເອັສຣາ ເອັຟຊີ ສໍາເລັດການຄັດເລຶອກນັກກີລາຈາກ 4 ແຂວງພາກໃຕ້ລະຫວ່າງ ວັນທີ 26 ມິຖຸນາ – 4 ກໍລະກົດ 2017 ໃນນັ້ນສາມາດຄັດເລຶອກໄດ້ 41 ນັກເຕະເຍົາວະຊົນ ອາຍຸລະຫວ່າງ 11-12 ປີ ໃນນັ້ນຈາກຈາກແຂວງສະຫວັນນະເຂດ ຫຼາຍທີ່ສຸດ ໂດຍມີຈໍານວນເຖິງ 14 ຄົນ ເຂົ້າສູນເອັສຣາ ເພື່ອປັ້ນພວກເຂົາເຫຼົ່ານັ້ນໃຫ້ເປັນອະນາຄົດຂອງທີມຊາດໃນອະນາຄົດ

“ ບັນຍາກາດມື້ທໍາອິດພວກເຮົາຄັດເລືອກນັກກີລາຢູ່ແຂວງບໍລິຄໍາໄຊ ລະຫວ່າງວັນທີ 26-27 ມິຖຸນາ ທີ່ຜ່ານມາ ເຫັນວ່າ ມີນັກຮຽນຫຼາຍຄົນທີ່ໃຫ້ຄວາມສົນໃຈຫຼາຍພໍສົມຄວນເຊັ່ນດຽວກັບລະຫວ່າງວັນທີ 28-29 ມິຖຸນາ ຄັດຢູ່ແຂວງຄໍາມ່ວນ, ວັນທີ 30 ມິຖຸນາຫາ 1 ກໍລະກົດ ຄັດເລືອກທີ່ແຂວງສະຫວັນນະເຂດ ແລະ ວັນທີ 3-4 ກໍລະກົດ ຄັດເລືອກທີ່ແຂວງຈໍາປາສັກ ກໍ່ບໍ່ໜ້ອຍໜ້າກັນ ເຊິ່ງພາຍຫຼັງການຄັດເລຶອກສາມາດຄັດໄດ້ 41 ຄົນ ຈາກ 4 ແຂວງຄື: ແຂວງບໍລິຄໍາໄຊ ຄັດໄດ້ 10 ຄົນ, ຄໍາມ່ວນ 6 ຄົນ, ສະຫວັນນະເຂດ 14 ຄົນ ແລະ ຈໍາປາສັກ 11 ຄົນ ໂດຍນັກກີລາຈໍານວນນີ້ ພວກເຮົາເອົາເຂົ້າສູນ ຢູ່ສະໜາມກີລາ ເອັສຣາ ທີ່ນະຄອນຫຼວງວຽງຈັນ ເພື່ອສິດສອນການຫຼິ້ນກີລາບານເຕະ ແລະ ສົ່ງເສີ່ມພວກສຶກສາຮໍ່າຮຽນໃຫ້ພວກເຂົາໄປພ້ອມໆກັນ ” ທ່ານ ສຸກອາພອນ ວົງຈຽງຄໍາ ຄູຝຶກສະໂມສອນ ເອັສຣາ ເອັຟຊີ ກ່າວ.

ສໍາລັບ ນັກກີລາທີ່ຜ່ານການຄັດເລຶອກ ແລະ ຈະໄດ້ມາຢູ່ສູນ ເອັສຣາ ມີດັ່ງກ່າວນີ້:

-ແຂວງບໍລິຄໍາໄຊ ປະກອບມີ: ທ້າວ ປາງຄຳ ວິລະວັນ, ທ້າວ ຊຽງ ວໍລະວົງ, ທ້າວ ພອນສະຫວັນ ອີນທະຈັກ, ທ້າວ ເກດສະດາ ໄຊບຸນເພື່ອ, ທ້າວ ເພັດສະຫວັນ ໄຂທະວີສຸກ, ທ້າວ ນໍ້າເສກ ແສງມະນີວົງ, ທ້າວ ສຸພານີດ ບີສຸຂະປັນຍາ, ທ້າວ ວາດສະໜາ ພຸດທະມາ, ທ້າວ ດວງພະຈັນ ໄຊຍະພອນ ແລະ ທ້າວ ພິຊີດ ມັງແກ້ວບິດາ.

-ແຂວງຄຳມ່ວນ ປະກອບມີ: ທ້າວ ວາດສະໜາ ໄຊຍະວົງ, ທ້າວ ພຸດທະສອນ ຈຸນລະພາສຸກ, ທ້າວ ໃຈເພັດ ພອນບຸນມີ, ທ້າວ ໄຊຍະຈັກ ທອງມາວິໄຊ, ທ້າວ ໄຊຍະສຸກ ແກ້ວວິສອນ ແລະ ທ້າວ ທະນຸເດດ ທຽມຈັນດາ,

-ແຂວງ ສະຫວັນນະເຂດ ປະກອບມີ: ທ້າວ ໄພມະນີ ພອນສະຫວັນ, ທ້າວ ພຸດທະສີນ ສົມໄຊຍະວົງ, ທ້າວ ສົມຄີດ ປັນຍາສີ, ທ້າວ ສີລະຄອນ ອີນສີ, ທ້າວ ໄຊຊະນະ ລາດຊະສັກ, ທ້າວ ອານັນ ສີທະວີສຸກ, ທ້າວ ໝັ້ນ ທາປະເສີດ, ທ້າວ ສົມມີນານາ ຊ່າທາລາດ, ທ້າວ ບີນລີ້ ໂດນສະນຸພີດ, ທ້າວ ພູນີນ ໄຊຍະສອນ, ທ້າວ ອະພິລັກ ແພງກັນຍາ, ທ້າວ ໄວຍະກອນ ໄຊຍະບົວສີ, ທ້າວ ສະຫວັນໄຊ ສຸດຕິວົງນໍລາດ ແລະ ທ້າວ ໂຊກໂຊ ສີວິໄລ.

-ແຂວງ ຈຳປາສັກ ປະກອບມີ: ທ້າວ ປາລະມີ ຕັນປະດັບ, ທ້າວ ວິໄລ ກົມມະເມືອງ, ທ້າວ ຈັນສະໝອນ ເພັດສົມພອນ, ທ້າວ ພອນປະເສີດ ອ້ວນລີດສາ, ທ້າວ ແກ້ວສູນທອນ ຕີລະບຸດ, ທ້າວ ກາດຳ ສີອອ່ນແກ້ວ, ທ້າວ ໂຊກໄຊ ເສານພັດ, ທ້າວ ປີເຕີ ພັນທະວົງ, ທ້າວ ບີ່ຄຳ ເສກສັນ, ທ້າວ ໄຊອຳມອນ ຈັນທະວົງ ແລະ ທ້າວ ພອນໄຊ ຊາມົນທຽນ.

(ຮູບຈາກ: EZRA FOOTBALL CLUB )


%d bloggers like this: