ເອຊີ ມິລານ ປະກາດຄວ້າຕົວ ຮາຄານ ຄັລຮາໂນກລູ ເສີມທີມ ຄົນທີ 6

ສະໂມສອນ ເອຊີ ມິລານ ທີມທີ່ມີຊື່ສຽງຈາກ ກັລຊິໂອ ຊີຣີສ໌ ເອ ຂອງ ອິຕາລີ ສາມາດບັນລຸ ເງື່ອນໄຂໃນການ ຊື້ຕົວ ຮາຄານ ຄັລຮາໂນກລູ (Hakan Calhanoglu) ກອງກາງຕົວບຸກ ຈາກ ໄບເອີ ເລເວີຄູເຊັນ ທີມຈາກ ບູນເດສລີກາ ຂອງ ເຢຍລະມັນ ເຂົ້າມາເສີມທີມ ດ້ວຍຄ່າຕົວ 20 ລານເອີໂຣ.

ກອງກາງທີມຊາດ ຕັວກກີ ອາຍຸ 22 ປີ ມີຂ່າວການຍ້າຍທີມມາຕັ້ງແຕ່ຊ່ວງພັກການແຂ່ງຂັນ ເຄິ່ງລະດູການທີ່ຜ່ານມາ ກັບຫຼາຍທີມ ໂດຍສະເພາະກັບ ແມນເຊັສເຕີ ຢູໄນເຕັດ ແລະ ເຊລຊີ ແຕ່ຄວາມຊັດເຈນກໍ່ບໍ່ເກີດຂຶ້ນ ຈົນຫຼ້າສຸດ ຫຼັງເປີດຕະຫຼາດນັກເຕະຢ່າງເປັນທາງການ ໃນວັນທີ 1 ກໍລະກົດທີ່ຜ່ານມາ ຂ່າວຂອງຕົວນັກເຕະກໍ່ມີຄວາມຊັດເຈນຂຶ້ນຢ່າງຕໍ່ເນື່ອງ ຫຼັງຈາກຜູ້ຈັດການສ່ວນຕົວຂອງນັກເຕະເອງກໍ່ໄດ້ອອກມາກ່າວວ່າ ນັກເຕະໄດ້ຮັບຄວາມສົນໃຈຈາກ ເອຊີ ມິລານ.

ໃນທີ່ສຸດ ວັນທີ 3 ກໍລະກົດ ມີລານ ກໍ່ປະກາດຜ່ານທາງເວັບໄຊຂອງສະໂມສອນຢ່າງເປັນທາງການ ໃນການຄວ້າຕົວກອງກອງຕົວບຸກຊາວຕັວກກີ້ເຂົ້າມາເສີມທີມ ເປັນຄົນທີ 6 ຕໍ່ຈາກ ຟຣັງ ເຄສຊີ (ກອງຫຼັງ), ຣິກຄາໂດ ໂຣດຣິເກຊ (ແບັກຊ້າຍ), ແມັດຕິໂອ ມູຊັກຊີໂອ (ກອງຫຼັງ), ອັນເດຣ ຊິລບາ (ກອງໜ້າ) ແລະ ຟາບິໂອ ບໍລິນີ (ກອງໜ້າ) ທີ່ຍ້າຍເຂົ້າມາກ່ອນໜ້ານີ້ ແຕ່ຍັງບໍ່ເປີດເຜີຍເລື່ອງສັນຍາ ແລະ ຄ່າເມື່ອຍ ຂອງນັກເຕະ.

%d bloggers like this: