ບາເຢິນ ມິວນິກ ປະກາດຄວ້າຕົວ ໂກຣອງແຕັງ ຕູຣິສໂຊ ເສີມກາງ

ບາເຢິນ ມິວນິກ ທີມໃຫຍ່ອັນດັບໜຶ່ງຈາກເວທີ ບູນເດສລີກາ ຂອງເຢຍລະມັນ ປະກາດຢ່າງເປັນທາງການ ໄດ້ຄວ້າຕົວ ໂກຣອງແຕັງ ຕູຣິສໂຊ (corentin tolisso) ກອງກາງຕົວເກັ່ງຂອງ ໂອລິມປິກ ລີຢົງ ຈາກລີກ ເອິງ ຂອງຝຣັ່ງ ເຂົ້າມາເສີມທີມດ້ວຍຄ່າຕົວ 40 ລ້ານ ເອີໂຣ.

ກອງກາງສາລະພັດປະໂຫຍດຂອງ ລີຢົງ ຊາວຝຣັ່ງ ໄດ້ເຊັນສັນຍາເປັນນັກເຕະຄົນໃໝ່ຂອງ ບາເຢີນ ມິວນິກ ດ້ວຍສັນຍາ 5 ປີ ເຊິ່ງຈະເຂົ້າມາທົດທານການອຳລາທີມຂອງ ຊາບີ ອາລອງໂຊ ທີ່ປະກາດຍຸດຕິການເປັນນັກເຕະອາຊີບ ຫຼັງຈົບລະດູການທີ່ຜ່ານມາ.

ໂກຣອງແຕັງ ຕູຣິສໂຊ ອາຍຸ 22 ປີ ເກີດວັນທີ 3 ສິງຫາ 1994 ຢູ່ກັບ ລີງຢົງ ຊຸດຢູ 19 ຕັ້ງແຕ່ປີ 2012 ກ່ອນຈະໄດ້ຂຶ້ນມາຫຼິ້ນກັບທີມ ຊຸດ ບີ ໃນປີ 2014 ແລະ ສາມາດສອດແຊກຂຶ້ນມາຫຼິ້ນໃນທີມຊຸດໃຫຍ່ ໃນປີດຽວກັນ ເນື່ອງຈາກພາຍໃນທີມ ນັກເຕະຕົວຫຼັກໄດ້ຮັບບາດເຈັບຫຼາຍຄົນ.

ກອງກາງຊາວຝຣັ່ງ ສາມາດຫຼິ້ນໄດ້ຫຼາກຫຼາຍຕຳແໜ່ງ ໂດຍນັດທຳອິດກັບທີມຊຸດໃຫຍ່ໄດ້ລົງຫຼິ້ນຕຳແໜ່ງ ແບັກຂວາ ແລະຫຼັງຈາກນັ້ນ ໄດ້ມີໂອກາດ ຂັບເຄື່ອນໄປຫຼິ້ນຕຳແໜ່ງທັງກອງກາງຕົວຮັບ, ໜ້າຕ່ຳ ຈົນຜົນງານມາໂດດເດັ່ນທີ່ສຸດໃນຕຳແໜ່ງກອງກາງ ແລະ ມີສ່ວນສຳຄັນໃນການພາທີມເຂົ້າໄປເຂົ້າໄປເຖິງຮອບຮອງຊະນະເລີດ ຂອງລາຍການ ຢູໂຣປາ ລີກ ກ່ອນຈະຕົກຮອບໃຫ້ກັບ ອາແຈັກ ອຳສະເຕີດຳ ທີມຈາກໂຮນລັງ ໄປແບບໜ້າເສຍດາຍທັ້ງທີ່ຜົນງານຂອງທີມໂດດເດັນຫຼາຍໃນລາຍການນີ້.

 

%d bloggers like this: