ຊີງ 3 ແຕັມ ເພື່ອຢູລອດ ກັບໄປ ຢູຟາ! ເວີເດີ ເບຣເມນ ເປີດບ້ານພົບ ອາບີ ໄລຊິກ ໃນສຶກ ບູນເດວລີກາ

ການແຂ່ງຂັນບານເຕະລະດັບສະໂມສອນ ບູນເດສລີກາ ເຢຍລະມັນ ລະຫວ່າງ ເວີເດີ ເບຣເມນ ພົບກັບ ອາບີ ໄລຊິກ.

ສະໜາມ ເວເຊີ ສະຕາດິໂອນ ( ເບຣເມນ, ເຍລະມັນ ) ແຂ່ງຂັນ ວັນເສົາ ທີ 18 ມີນາ 2017 ເວລາ 21.30 ໂມງ.

ເວີເດີ ເບຣເມນ ຂອງຜູ້ຈັດການທີມ ອາເລັກຊານເດີ ນູຣີ ບໍ່ເສຍໃຫ້ໃຜມາ 4 ນັດ ຫຼ້າສຸດບຸກໄປສະເໝີກັບ ເລເວີູເຊັນ 1-1, ພວກເຂົາແຂ່ງ 24 ນັດມີ 26 ຄະແນນ ຢູ່ອັນດັບ 15 ຈາກ 18 ທີມ ເຊິ່ງຕ້ອງດິ້ນລົນເພື່ອເກັບຄະແນນໜີຈາກໂຊນຕົກຊັ້ນ ເພາະມີຄະແນນເທົ່າກັບ ຮຳບູກ ອັນດັບ 16 ທີ່ເປັນພື້ນທີ່ຕົກຊັ້ນ.

ຄວາມພ້ອມຂອງທີມ ແມັກ ຄຣູເຊ ກັບ ເຄລາດິໂອ ປີຊາໂຣ ຕ້ອງທົດສອບຄວາມພ້ອມຂອງຮ່າງກາຍອີກຄັ້ງ ແຕ່ຄາດວ່າຈະໄດ້ຮັບໂອກາດລົງສະໜາມເປັນຕົວຈິງ ແຕ່ລາຍຫຼັງນັ່ງເປັນຕົວສຳຮອງໄປກ່ອນ ສ່ວນ ໂທມັສ ເດລານີ ທີ່ເຈັບໜ່ວຍຕາ ກໍ່ລົງຊ້ອມຕໍ່ເນື່ອງກັບທີມແລ້ວ ຕຽມກັບມາເປັນຕົວຈິງອີກຄັ້ງ.

ຂະນະທີ່ ເຄລເມນ ຟຣິສ ເຈັບເອັນຫົວເຂົ່າ ແລະ ຟິລິປ ບາກເຟຣເດ ເຈັບກະດູກກົບ ພັກຮັກສາອາການບາດເຈັບຕໍ່ໄປ

ນັກເຕະ 11 ຕົວຈິງທີ່ຄາດວ່າຈະໄດ້ລົງສະໜາມໃນລະບົບ 4-4-2 ເຟລິກ ວິດວັລ ເຝົ້າເສົາ; ກອງຫຼັງ ທີໂອດໍ ເກເບຣ ເຊລາສຊີ, ນິກລາສ ມອຍຊານເດີ, ລູໂດວິຊ ລາມິນ ຊາເນ ແລະ ໂຣເບີດ ເບາເອີ ຄູ່ກອງກາງ ມັກຊິມີລຽນ ເອັກເກສໄຕ ກັບ ໂທມັສ ເດລານີ ແລະ ຕົວແຄມເສັ້ນ ຟິນ ບາເທິລ ກັບ ຊລັດໂກ ຢູໂນໂຊວິຊ; ຄູ່ກອງໜ້າ ແມັກ ຄຣູເຊ ກັບ ແຊ ນາບຣີ.

ທາງຝັ່ງທີມຢາມ ອາບີ ໄລຊິກ ຂອງຜູ້ຈັດການທີມ ຣາລ ຮາເຊນຮິດເທິລ ບໍ່ຊະນະມາ 2 ນັດຕິດ ຫຼ້າສຸດແພ້ຄາບ້ານໃຫ້ກັບ ໂວຟບວກ 0-1 ຢູ່ອັນດັບ 2 ຕາມຫຼັງ ບາເຢິນ ມິວນິກ 10 ຄະແນນ ຈາກການລົງແຂ່ງ 24 ນັດ ມີ 49 ຄະແນນ.

ຄວາມພ້ອມຂອງທີມຫຼ້າສຸດ ຢຸສຊຸບ ໂພລເຊນ ເຈັບກ້າມເນື້ອຫຼັງຫົວເຂົ່າ ກັບ ລູຄັສ ຄລອສເຕີມັນ ເຈັບເຂົ່າ ຍັງພັກຮັກສາອາການາດເຈັບ ສ່ວນ ນາບີ ເກອິຕາ ທີ່ສະສົມໃບເຫຼືອງຄົບຄຕາ 5 ໃບ ຖືກພັກເຕະໃນນັດນີ້ ແຕ່ຂ່າວດີ ຈະໄດ້ ສະເຕຟານ ອິລຊານເດີ ພົ້ນໂທດແບນກັບມາ ຄຸມເກມໃນແດນກາງອີກຄັ້ງ.

11 ຕົວຈິງທີ່ຄາດວ່າຈະໄດ້ລົງສະໜາມ ໃນລະບົບ 4-2-3-1 ປີເຕີ ກູລາສຊີ; ກອງຫຼັງ ດາໂຢ ອູປາເມກາໂນ, ວິລລີ ອໍບານ, ມາວິນ ຄອມເພີ ແລະ ມາເຊລ ຮັລສະເຕນເບີກ; ຄູ່ກາງ ໂດມິນິກ ໄກເຊີ ກັບ ສະເຕຟານ ອິບຊານເດີ; ກອງກາງຕົວບຸກ ດິເອໂກ ເອມເມ, ເອມິລ ຟອສເບີກ ແລະ ມາເຊລ ຊາບິດເຊີ ໜ້າເປົ້າ ທິໂມ ເວີເນີ.

ຜູ້ຕັດສິນ ຄຣິສຕຽນ ດິງເກິດ

%d bloggers like this: