ເລວານດອຟສະກີ ຄວ້າລາງວັນນັກເຕະດີເດັ່ນຂອງປະເທດໂປໂລຍ 6 ປີຊ້ອນ

ໂຣເບີດ ເລວານດອຟສະກີ ກອງໜ້າຕົວເກັ່ງຂອງ ບາເຢິນ ມິວນິກ ຄວ້າລາງວັນ ນັກເຕະດີເດັ່ນປະຈໍາປີ 2016 ຂອງປະເທດໂປໂລຍ ມາຄອງເປັນສະໄໝທີ 6 ຕິດຕໍ່ກັນ ຈາກຜົນງານພາ ບາເຢິນ ມິວນິກ ຄວ້າແຊັມ 2 ລາຍການໃນລີກປະເທດເຢຍລະມັນ ປະຈໍາປີ 2016 ພ້ອມທັງເປັນດາວຍິງສູງສຸດຂອງ ບຸນເດສລີກາ ເຢຍລະມັນ ອີກດ້ວຍ.

ສ່ວນຜົນງານໃນທີມຊາດ ໂປໂລຍ ເຖິງຈະຍິງໄດ້ພຽງ 1 ປະຕູຈາກ 5 ນັດໃນ ຢູໂຣ 2016 ແຕ່ທີມກໍ່ສາມາດເຂົ້າໄປຫຼິ້ນຮອບ 8 ທີມສຸດທ້າຍ ກ່ອນເສຍໃຫ້ກັບ ປ໊ອກຕຸຍການ ໃນການດວນຈຸດໂທດ.

ສໍາລັບ ເລວານດອຟສະກີ ໄດ້ຮັບຄະແນນຈາກການລົງຄະແນນສຽງຊະນະ ຄາມິລ ກລິກ, ເກີເຊກອຊ ຄຣີໂຊວຽກ, ອາຄາດິອຸຊ ມິລິກ ແລະ ມິຊາລ ປາຊດານ.

%d bloggers like this: