ປາດທຣິກ ເອັຟຣາ ເຊັນສັນຍາກັບ ໂອລິມປິກ ມາກເຊີຍແລ້ວ

ໂອລິມປິກ ມາກເຊີຍ ສະໂມສອນດັງ ຈາກເວທີ ລີກ ເອິງ ຂອງຝຣັ່ງ ໄດ້ປະກາດຢ່າງເປັນທາງການ ເມື່ອວັນພຸດ ທີ 25 ມັງກອນ ທີ່ຜ່ານມາວ່າ ໄດ້ເຊັນສັນຍາກັບ ປາດທຣິກ ເອັຟຣາ ແບັກຊ້າຍປະສົບການສູງ ຊາວຝຣັ່ງ ໄວ 35 ປີ ມາຈາກ ຢູເວັນຕູສ ສະໂມສອນດັງຈາກ ອິຕາລີ ເປັນທີ່ຮຽບຮ້ອຍແລ້ວ ໂດຍເຊັນສັນຍານຳກັນເປັນເວລາ 1 ປີເຄິ່ງ.

ກ່ອນໜ້ານີ້ ແບັກຊ້າຍທີມຊາດ ຝຣັ່ງ ມີຂ່າວເລື່ອງການຍ້າຍໄປທີມ  ບາເລນເຊຍ ຂອງແອັດສະປາຍ ແລະ ຄຣິສຕັນ ພາເລດ ຂອງ ອັງກິດ ແຕ່ວ່າສຸດທ້າຍນັກເຕະເລືອກກັບມາຄ້າແຂ່ງໃນລີກບ້ານເກີດ ກັບ ມາກເຊີຍ ແລະຈະໄດ້ຮ່ວມງານກັບ ອະດີດໂຄດທີມ ໂຣມາ ຈາກອິຕາລີ ຢ່າງ ຣູດີ ກາເຊຍ.

ທັງນີ້ ເອັຟຣາ ນັ້ນລົງຫຼິ້ນໃຫ້ ຢູເວັນຕູສ ທັງໝົດ 82 ນັດ ຍິງໄດ້ 3 ປະຕູ ຫຼັງຈາກເຂົາຍ້າຍຈາກ ແມນເຊັສເຕີ ຢູໄນເຕັດ ເມື່ອຊ່ວງ ປິດລະດູການ ປີ 2014 ໂດຍຄວ້າແຊັມ ລີກ ກັລຊິໂອ ຊີຣີສ ເອ 2 ສະໄໝ ແລະ ໂກປາ ອິຕາເລຍ 2 ສະໄໝ.

%d bloggers like this: