ໂອໂຕລາວ ມີແຜນນໍາລົດໃໝ່ເຂົ້າມາໃນປີນີ້ 4 ລຸ້ນ ສ່ວນກະບະເບັນຕ້ອງລໍຖ້າປີໜ້າ

ນັບວ່າເປັນຂ່າວດີສຳລັບແຟນໆຜູ້ທີ່ນໍາໃຊ້ລົດຫຼູຢ່າງ Mercedes – Benz ເຊິ່ງຫຼ້າສຸດໃນຕົ້ນເດືອນມີນານີ້ ຄະນະຜູ້ບໍລິຫານຈາກຫ້ອງຂາຍໂອໂຕລາວ ພ້ອມທີມງານໄດ້ເດີນທາງໄປສຳຜັດລົດທີ່ຈະເປີດໂຕໃໝ່ໃນປີ 2018 ນີ້ເຖິງ 5 ລຸ້ນດ້ວຍກັນ ເພື່ອຍົກລະດັບ ຄວາມຮູ້ຈາກ Mercedes – Benz ຢ່າງແທ້ຈິງກ່ອນຈະນໍາມາຈໍາໜ່າຍໃນປະເທດເຮົາ.
ທ່ານ ອະນຸລັກ ທຳມະວົງ ຜູ້ຈັດການທົ່ວໄປ ບໍລິສັດ ໂອໂຕລາວ ກ່າວວ່າ: ການໄປສໍາຜັດ – ຍົກລະດັບໃນຄັ້ງນີ້ໃຊ້ເວລາ 1 ອາທິດ, ຜູ້ເຂົ້າຮ່ວມໃນໂຄງການນີ້ແມ່ນຕົວແທນຂາຍລົດຍີ່ຫໍ້ Mercedes – Benz ຈາກທົ່ວໂລກເຂົ້າຮ່ວມ ເພື່ອຮຽນຮູ້ສິ່ງໃໝ່ໆ, ເຕັກນິກ, ອອັບຊັນຕ່າງໆທີ່ມີໃນຕົວລົດ Mercedes – Benz , ການແນະນໍາໃຫ້ລູກຄ້າຮູ້ຈັກກ່ຽວກັບລົດ Mercedes – Benz ໄດ້ຢ່າງຖືກຕ້ອງ.

X – Class

ສຳລັບ Mercedes – Benz ທີ່ເປີດໂຕໃນທະວີບເອີຣົບໃນປີ 2018 ມີ 5 ລຸ້ນ. ໃນນັ້ນ, ເປີດໂຕໃໝ່ມີ 3 ລຸ້ນ ແລະ ປັບໂສມມີ 2 ລຸ້ນ ດັ່ງລາຍລະອຽດຄື: ລຸ້ນທີ່ຈະເປີດໂຕໃໝ່ມີລຸ້ນ A – Class, CLS ແລະ ລຸ້ນ X – Class ( ລົດກະບະ ); ສ່ວນລຸ້ນທີ່ປັບໂສມມີລຸ້ນ G – Class ແລະ ລຸ້ນ C – Class ເຊິ່ງທັງໝົດນໍຳໃຊ້ນໍ້າມັນເກຣດ Euro 6.
ຢ່າງໃດກໍ່ຕາມ, ເຖິງຈະມີການເປີດໂຕໃໝ່ 5 ລຸ້ນຢູ່ຕ່າງປະເທດ ( ທະວີບເອີຣົບ ) ທ່ານ ອະນຸລັກ ທໍາມະວົງ ໄດ້ກ່າວວ່າ: ສຳລັບໃນປະເທດເຮົາໃນປີ 2018 ນີ້ ຫ້ອງຂາຍໂອໂຕລາວ ຈະສາມາດນໍາມາຈໍາໜ່າຍໄດ້ພຽງ 4 ລຸ້ນຄື: A – Class, CLS, G – Class ແລະ ລຸ້ນ C – Class ເຊິ່ງມີເຫດຜົນວ່າຍ້ອນບໍລິສັດຜູ້ຜະລິດໄດ້ປັບການຜະລິດເກຣດນໍ້າມັນ Euro 4 ເພື່ອໃຫ້ສາມາດມາໃຊ້ໃນບັນດາປະເທດທະວີບອາຊີ ລວມທັງປະເທດລາວເຮົາ.
ສ່ວນລຸ້ນ Mercedes – Benz ລຸ້ນ X – Class ( ລົດກະບະ ) ໃນປີ 2018 ປະເທດຜູ້ຜະລິດຍັງບໍ່ຜະລິດມາຕອບສະໜອງຕະຫຼາດອາຊີເທື່ອ ຕາມແຜນການແມ່ນຈະຜະລິດມາໃນຕະຫຼາດອາຊີລວມທັງປະເທດລາວເຮົາໃນປີ 2019 ຄືເກຣດນໍ້າມັນ Euro 4. ສະນັ້ນ, ຫ້ອງຂາຍໂອໂຕລາວ ກໍ່ຈະໄດ້ນໍາເຂົ້າມາຕອບສະໜອງໃຫ້ລູກຄ້າໃນປີ 2019 ຢ່າງແນ່ນອນ.
ທ່ານ ອະນຸລັກ ທຳມະວົງ ໄດ້ຝາກເຖິງຜູ້ຊົມໃຊ້ທີ່ກໍາລັງຈະຊື້ລົດເບັນ ຕ້ອງຄໍານຶງຈຸດໜຶ່ງທີ່ສຳຄັນຄື: ຊື້ລົດຕ້ອງຊື້ຈາກຫ້ອງຂາຍທີ່ເປັນຕົວແທນຈໍາໜ່າຍລົດຈາກໂຮງງານຜະລິດ ຈະໄດ້ລົດຄຸນນະພາບ, ລົດທີ່ຜະລິດມາຕອບສະໜອງໃນປະເທດນັ້ນໆ ໂດຍສະເພາະແມ່ນຄຸນນະພາບນໍ້າມັນ, ທ່ານຈະໄດ້ລົດດີ, ມີຄຸນນະພາບ ແລະ ທີ່ສໍາຄັນ ການບໍລິການຈາກຫ້ອງຂາຍກໍ່ຄືກັບການບໍລິການຈາກໂຮງງານຜູ້ຜະລິດໂດຍກົງ.

A – Class

CLS

G – Class

C – Class

 

%d bloggers like this: