ອຸຕຸແຈ້ງສະພາບອາກາດທີ 1 ຫາ 4 ສິງຫາ

ກົມອຸຕຸນິຍົມ ແລະ ອຸຕຸທົບກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກບົດລາຍງານສະພາບພະຍາກອນອາກາດ ເລກທີ 0685/ກອຕທ ນະຄອນຫຼວງວຽງຈັນ, ລົງວັນທີ 31ກໍລະກົດ 2017 ພະຍາກອນອາກາດໃນໜຶ່ງອາທິດຕໍ່ໜ້າ ເຊິ່ງຄາດຄະເນສະພາບອາກາດແຕ່ວັນທີ 31 ກໍລະກົດ ຫາ 4 ສິງຫາ 2017 ດັ່ງນີ້.

ໃນໄລຍະວັນທີ 31 ກໍລະກົດ 2017 ຫາ 4 ສິງຫາ 2017 ຮ່ອງຄວາມດັນອາກາດຕ່ຳຍັງຈະພາດຜ່ານແຂວງພາກເໜືອຫາພາກກາງຂອງປະເທດລາວ ເຊິ່ງຈະເຮັດໃຫ້ອາກາດຮ້ອນໃນແຕ່ລະພາກ ແລະ ຍັງຈະມີຝົນຕົກໃນລະດັບຄ່ອຍຫາປານກາງຢູ່ບາງຖິ່ນ. ຈາກນັ້ນ, ວັນທີ 5 ຫາ 6 ສິງຫາ 2017 ມໍລະສຸ່ມຕາເວັນຕົກສ່ຽງໃຕ້ ຈະມີກຳລັງແຮງປານກາງພັດປົກຄຸມ, ເຊິ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ບາງທ້ອງຖິ່ນໃນແຕ່ລະພາກ ແລະ ຕົກໜັກພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ພາກເໜືອດ້ານຕາເວັນອອກ: ໃນໄລຍະຕົ້ນອາທິດ, ວັນທີ 31 ກໍລະກົດ ຫາ 4 ສິງຫາ 2017 ຈະມີຝົນຕົກໃນລະດັບຄ່ອຍຫາປານກາງຢູ່ບາງທ້ອງຖິ່ນ ພ້ອມມີລົມພັດແຮງເປັນບາງໂອກາດ. ຫຼັງຈາກນັ້ນ, ໄລຍະວັນທີ 5 ຫາ 6  ສິງຫາ 2017 ຈະມີຝົນຕົກໃນລະດັບຄ່ອຍຫາປານກາງ  ແລະ ຕົກໜັກພ້ອມມີລົມພັດແຮງຕື່ມອີກ. ອຸນຫະພູມຕ່ຳສຸດ 20 – 22 ອົງສາ ແລະ ສູງສຸດ 33 – 35 ອົງສາ.

ພາກເໜືອດ້ານຕາເວັນຕົກ: ໃນໄລຍະຕົ້ນອາທິດ, ວັນທີ 31 ກໍລະກົດ ຫາ 4 ສິງຫາ 2017 ຍັງຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ແລະ ຕົກປານກາງຢູ່ບາງທ້ອງຖິ່ນ ແລະ ອາກາດຮ້ອນຂຶ້ນຢູ່ແຂວງບໍ່ແກ້ວ, ຫຼວງພະບາງ ແລະ ໄຊຍະບູລີ. ຈາກນັ້ນ, ວັນທີ 5 ຫາ 6 ສິງຫາ 2017  ຍັງຈະມີຝົນຕົກໃນລະດັບຄ່ອຍຫາປານກາງ  ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນຕື່ມອີກ. ອຸຫະພູມຕ່ຳສຸດ 20 – 22 ອົງສາ ແລະ ສູງສຸດ 33 – 35 ອົງສາ.

ນະຄອນຫຼວງວຽງຈັນ: ໃນໄລຍະຕົ້ນອາທິດ, ວັນທີ 31 ກໍລະກົດ ຫາ 4 ສິງຫາ 2017 ຍັງຈະມີຝົນຕົກໃນລະດັບຄ່ອຍຫາປານກາງຢູ່ບາງບໍລິເວນພ້ອມມີລົມພັດແຮງເປັນບາງໂອກາດ. ຈາກນັ້ນ, ວັນທີ 5 ຫາ 6 ສິງຫາ 2017 ແລະ ຍັງຈະມີຝົນຕົກໃນລະດັບຄ່ອຍ ຫາ ຕົກປານກາງ. ອຸນຫະພູມຕ່ຳສຸດ 23 – 25 ອົງສາ ແລະ ສູງສຸດ 33 – 35 ອົງສາ.

ພາກກາງ: ໃນໄລຍະຕົ້ນອາທິດ, ແຕ່ວັນທີ 31 ກໍລະກົດ ຫາ 4 ສິງຫາ 2017 ຍັງຈະມີຝົນຕົກໃນລະດັບຄ່ອຍຫາປານກາງຢູ່ບາງທ້ອງຖິ່ນແຂວງວຽງຈັນ, ໄຊສົມບູນ, ບໍລິຄຳໄຊ ແລະ ຄຳມ່ວນ. ຈາກນັ້ນວັນທີ 5 ຫາ 6 ສິງຫາ 2017 ຍັງຈະມີຝົນຕົກໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 21 – 23 ອົງສາ ແລະ ສູງສຸດ 33 – 35 ອົງສາ.

ພາກໃຕ້: ໃນໄລຍະຕົ້ນອາທິດ, ວັນທີ 31 ກໍລະກົດ ຫາ 4 ສິງຫາ 2017 ຍັງຈະມີຝົນຕົກໃນລະດັບຄ່ອຍຫາປານກາງຢູ່ທົ່ວໄປ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ຈາກນັ້ນ, ວັນທີ 5 ຫາ 6 ສິງຫາ 2017 ຍັງຈະມີຝົນຕົກໃນລະດັບຄ່ອຍຫາປານກາງ ແລະ ຕົກໜັກພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 21 – 23 ອົງສາ ແລະ ສູງສຸດ 31 – 33 ອົງສາ.

ຄຳເຕືອນ: ເນື່ອງຈາກວ່າໃນໄລຍະວັນທີ 5 ຫາ 6 ສິງຫາ 2017 ມໍລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນ ພັດປົກຄຸມຢູ່ທົ່ວທຸກພາກຂອງປະເທດລາວ ເຊິ່ງຍັງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຈະຕົກໜັກຢູ່ບາງທ້ອງຖິ່ນແຂວງພາກກາງ ຫາ ພາກເໜືອ. ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ພໍ່ແມ່ປະຊາຊົນ ຈົ່ງມີສະຕິໃນການສັນຈອນ ໂດຍສະເພາະຜູ້ທີ່ເດີນທາງໄປທາງພາກເໜືອ ແລະ ທີ່ອາດຈະເກີດນ້ຳຖ້ວມຊຸ, ນ້ຳຖ້ວມອັ່ງ ແລະ ດິນເຊາະເຈື່ອນໃນໄລຍະນີ້, ພ້ອມທັງໃຫ້ຕິດຕາມການລາຍງານຂ່າວອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປົກກະຕິ.

%d bloggers like this: