ສາທາລະນະລັດໂອຕຣິດ ໃຫ້ເງິນກູ້ບໍ່ມີດອກເບ້ຍ​ 6.1 ລ້ານ ເອີ​ໂຣ ສ້າງຂົວ​ຂ້າມ​ນ້ຳຮຸ່ງ ແຂວງໄຊຍະບູລີ

ຕອນ​ເຊົ້າວັນທີ 7 ​ເມສາ 2018 ນີ້ ທີ່ກະຊວງ​ໂຍທາ​ທິການ ​ແລະ ຂົນ​ສົ່ງ ໄດ້​ຈັດພິທີເຊັນສັນຍາ​ຮັບເໝົ່າກໍ່ສ້າງຂົວຂ້າມນ້ຳຮຸ່ງ 2 ​ແຫ່ງ ຄື: ​ແຕ່ບ້ານທ່າ​ນາ-​ບ້ານນາ​ຍາ​ວ ​ແລະ ບ້ານນາ​ເລົາ-ບ້ານນາຕໍ​ໃຫຍ່ ​ເມືອງ ​ແລະ ແຂວງ​ໄຊ​ຍະ​ບູລີ ເຊິ່ງໂອຕຣິດ ເຊິ່ງນໍາໃຊ້ກູ້ເງິນບໍ່ມີດອກເບ້ຍ​ຈາກທະນາຄານ UniCredit Bank Austria ຈຳນວນ 6.1 ລ້ານເອີ​ໂຣ ​ເພື່ອກໍ່​ສ້າງຂົວ​ຂ້າມດັ່ງກ່າວ.

ເປັນກຽດເຂົ້າຮ່ວມໃນພິທີເຊັນສັນຍາໂດຍທ່ານ ​ແພງ​ ດວງ​ເງິນ ຫົວໜ້າ​ກົມ​ຂົວ​ທາ​ງ ກະຊວງໂຍທາທິການ ແລະ ຂົນສົ່ງ ໃນນາມເປັນ​ເຈົ້າຂອງ​ໂຄງການ ​​ແລະ Mr. Markus Widmann ຕາງໜ້າ​ບໍລິ​ສັດຮັບ​ເໝົາ​ກໍ່ສ້າງຂອງບໍລິສັດ MCE Bblt ​ຈາ​ກປະ​ເທດໂອຕຣິດ ​ແລະ ​​ໂດຍມີ​ແຂກທັງ​ສອງ​ຝ່າຍ​ເຂົ້າ​ຮ່ວມເປັນສັກ​ຂີ​ພິຍານ​. ໃນ​ນີ້, ​​ເ​ຈົ້າຂອງ​ໂຄງການຈະໄດ້​ຮັບຜິດຊອບ​ໃນ​ການ​ສຳ​ຫຼວດ-ອອກ​ແບບທັງໝົດພ້ອມ​ທັງ​ຈັດ​ຫາທີ່​ປຶກສາ ​ເພື່ອ​ກວດກາ​ຄຸນະພາບ​ຂອງ​ໂຄງການດັ່ງ​ກ່າວ​ທັງ​ໝົດ.

%d bloggers like this: